ഒന്നുമറിയില്ലെങ്കില്‍
ഒന്നുമറിയില്ലെന്നറിയണം,
പറയണം.
ദൈവത്തെ കുറിച്ചായാലും
ജീവിതത്തെ കുറിച്ചായാലും.
അതാണ് ബോധോദയം.
ജീവിതം മാത്രം
എല്ലാമെന്നറിയല്‍.
*****
നിസാരം
നിസാരമല്ലെന്നറിയണം,
പറയണം.
നിസാരമാണ്
ഗൗരവമുള്ളതെന്നറിയണം,
പറയണം.
അതാണ് ബോധോദയം.
'നിസാരം'
സംഭവിക്കാന്‍,
സംഭവിപ്പിക്കാന്‍,
'എളുപ്പം'
സാധ്യമാക്കാന്‍
ബോധോദയം.
*****
ഗൗരവവും
ഗൗരവമുള്ള ലോകവും ഗൗരവമുള്ളതല്ലെന്നറിയണം,
പറയണം.
അതാണ് ബോധോദയം.
ഗൗരവം മുഴുവന്‍
'ലളിതം' സംഭവിക്കാന്‍.
'എളുപ്പം' സാധ്യമാക്കാന്‍.
ബോധോദയവും...
********
ഗൗരവവും ഗൗരവമുള്ളതും
വെറും നിസാരമെന്നറിയണം,
പറയണം.
അതാണ് ബോധോദയം.
അതിനാല്‍ തന്നെ
ഗൗരവം
നിസാരമായിരിക്കാൻ
ബോധോദയം.
ഊര്‍ജം ചിലവഴിക്കുന്നത്
എത്രയും കുറച്ച്
'വിശ്രമം' സാധ്യമാക്കാന്‍
പ്രകൃതി കാണുന്ന വഴി
ബോധോദയം.
******
ലളിതമാണ് സങ്കീര്‍ണം,
സങ്കീര്‍ണ്ണമായതല്ല സങ്കീര്‍ണം
എന്നറിയണം,
പറയണം.
അതാണ് ബോധോദയം.
സങ്കീര്‍ണ്ണമായതെല്ലാം
ചെയ്യുന്നത്,
സംഭവിക്കുന്നത്
'ലളിതം' സംഭവിക്കാന്‍
ലളിതം സംഭവിപ്പിക്കാന്‍.
*****
ലളിതമായതും,
ലളിതമാക്കിയും
സംഭവിക്കാന്‍,
സംഭവിപ്പിക്കാന്‍
മാത്രമാണ്
സങ്കീര്‍ണം.
ലളിതമാക്കാന്‍ വേണ്ടി,
ഊര്‍ജം കുറച്ച് ജീവിക്കുക
സാധ്യമാകാന്‍ വേണ്ടി മാത്രം
സങ്കീര്‍ണമായത് മുഴുക്കെയും
ചെയ്യുന്നതെന്നറിയണം.
അതാണ് ബോധോദയം.
.jpg)
No comments:
Post a Comment