നമ്മൾ വഞ്ചിക്കപെടുന്നതിന്റെയും പേര് ആവരുത് രാജ്യസ്നേഹം.

ഇന്ത്യ പാക്കിസ്ഥാൻ, ബംഗ്ലാദേശ്. 

ഒന്നാവുന്ന സ്വപ്നം വെടിപൊട്ടുന്ന

പേടിസ്വപ്നത്തേക്കാൾ നല്ലത്, പ്രായോഗികം.

നേതൃത്വം സത്യസന്ധരും വിവേകികളുമെങ്കിൽ.

********** 

രാജ്യത്തിന്റെ മറയിലും ചെലവിലും 

കളവു പറയുക, ചെയ്യുക.

അതിനേക്കാൾ വലിയ വഞ്ചനയും 

അക്രമവും രാജ്യദ്രോഹവും ഉണ്ടോ? അതാര്  ചെയ്താലും 

**********

കുറ്റവാളികൾ തന്നെ കാവലാളുകൾ ആവുന്ന 

നാടും ജനാധിപത്യവും.

കോഴിക്ക് കാവൽ കുറുക്കൻ. 

പിന്നെന്ത് പറഞ്ഞിട്ടും എന്ത് കാര്യം?

*********

ലൂയി 14:  ഞാനാണ് രാജ്യം.

മോഡി: എന്നെ എതിർക്കുന്നവർ രാജ്യത്തെ എതിർക്കുന്നു.

എന്ത് വ്യത്യാസം? സ്വേച്ഛാധിപത്യം. ആത്മപ്രശംസ.

ചോദ്യം ചെയ്യപ്പെടുന്നതിലെ ഭയം.

ചോദ്യം ചെയ്യരുതെന്നും സ്വരം.

********

പാക്കിസ്ഥാനിലെ പഞ്ചസാര പറ്റും, പക്ഷെ 

നന്മയെ നന്മയായി അംഗീകരിക്കാനാവില്ല. 

പിന്നെങ്ങിനെ നാം നന്മയെ വിതറും, വളർത്തും.

***********

ഹിന്ദുവാണ്, ഇന്ത്യനാണ്. അഭിമാനവുമുണ്ട്.

എന്ന് വെച്ച് ഭരണകൂടത്തിന്റെ 

എല്ലാ നെറികേടുകളെയും കണ്ടില്ലെന്നു നടിക്കേണമോ?

അതാണോ രാജ്യസ്നേഹം?

*********

നിർബന്ധങ്ങളില്ലാത്ത ഹൈന്ദവത.

അതിലാണ് മതേതരത്വം. ആ ഹൈന്ദവത

ഉയർത്തിപ്പിടിക്കാൻ കഴിയാഞ്ഞിടത്താണ് 

ഇന്ത്യൻ മതേതര പാർട്ടികളുടെ പരാജയം.

****************

ഇന്ത്യൻ മാധ്യമങ്ങളോട് (ഹിന്ദു ഒഴികെ). 

പൂച്ചയെ പോലെ കണ്ണടക്കുക. മറ്റാരുമില്ലാതാവും. 

350 ഇല്ല, എന്നാൽ ഒരാളെങ്കിലും? 

കളവുപറയലോ ദേശീയത?

***********

ഇന്ത്യയിലായാലും പാകിസ്ഥാനിലായാലും

തീവ്രവാദത്തിനു കാരണം മതം.

എങ്കിൽ ആ മതത്തെ അങ്ങൊഴിവാക്കിയാൽ പോരെ.

ഭരണകൂടങ്ങളെങ്കിലും. 

*********

ഇന്ത്യയെ മൊത്തം പാട്ടത്തിനെടുത്തവരാണ്  ശാപം.

ഇന്ത്യയെ വിറ്റും വ്യപിചാരിച്ചും സ്നേഹിക്കുന്നവർ. 

മുളകിന് പഞ്ചസാരയെന്നു പേരിടുന്നവർ.

*********

പാകിസ്ഥാനും ഇന്ത്യയും സൗഹൃദമരുത്.

ശക്തരായിപ്പോകും. രാഷ്ട്രീയവും ആയുധവ്യാപാരവും 

പിന്നെ അഴിമതിയും നടക്കില്ല.

നമ്മൾ വഴിതെറ്റിക്കപ്പെടേണം.

*********

നമ്മൾ തെളിയിച്ചത്.

പാക്കിസ്ഥാനിലാണേൽ,  മരങ്ങളും തീവ്ര-ഭീകര വാദികൾ.

മരങ്ങളായതിനാൽ പേടിക്കാനില്ല.

എണ്ണമെത്രയും തോന്നും പോലെ പറയാം.

*********

"മതം, ജാതി, പാകിസ്ഥാൻ”. 

ബ്രിട്ടീഷുകാരുടെ മാത്രമല്ല ഏവരുടെയും തന്ത്രം 

"വിഭജിച്ചു ഭരിക്കുക". 

വിഭജിക്കാതെങ്ങിനെ ഭരിക്കും? ഭരണം നേടും?

********

നമ്മൾ തെരഞ്ഞെടുത്തത് ആരെ? 

എങ്കിൽ നമ്മൾ വിമർശിക്കേണ്ടതും തിരുത്താനാവുന്നതും ആരെ?

നമ്മുടെ സർക്കാരിനെ. പാക്കിസ്ഥാനെ അല്ല.

*********

മൃഗത്തിന്റെ പേരിലായാലും 

മതത്തിന്റെയും രാജ്യത്തിന്റെയും  പേരിലായാലും

കൊല്ലുന്നത് തെറ്റ്.

അത് പാകിസ്ഥാനി ആയാലും ഇന്ത്യക്കാരനായാലും.

*********

നമ്മൾ തെരഞ്ഞെടുത്തത് ആരെ? 

എങ്കിൽ നമ്മൾ വിമര്ശിക്കേണ്ടതും തിരുത്തേണ്ടതും ആരെ?

നമ്മുടെ സർക്കാരിനെ। പാകിസ്താനെ അല്ല.

**********

നാം ഇന്ത്യൻ പൗരന്മാർക്ക് തിരുത്താനാവുക ആരെ, 

ഏതു സർക്കാരിനെ? ഇന്ത്യയുടെതോ, പാകിസ്ഥാന്റെയോ?

എങ്കിൽ നമ്മൾ വിമര്ശിക്കേണ്ടത് ആരെ, ആരുടെ തെറ്റിനെ?

**********

ഭീകരരും തീവ്രവാദികളും പാക്കിസ്താനിലുണ്ട്. ഉറപ്പ്.

പക്ഷെ ഇന്ത്യയിലും ഇല്ലേ?

രണ്ടും ഭരണകൂടങ്ങളുടെ തണലിൽ തന്നെയല്ലേ?

പിന്നെ എന്ത് വ്യത്യാസം?

**********

ഇന്ത്യൻ പട്ടാളക്കാർ വീണ്ടു വീണ്ടും കൊല്ലപ്പെടുന്നു.

ഇതെന്താണ് വെള്ളരിക്ക പട്ടണമോ? 

പിന്നെന്ത് കുന്തമാ നമ്മുടെ ഭരണകൂടം നമ്മോടു പറയുന്നത്?

**********

ഇപ്പോഴത്തെ ചിത്രം. പാകിസ്ഥാൻ സഹിഷ്ണുതയും 

സംസ്കാരവും ഉള്ള ഭാരതമാവുന്നു.

ഭാരതം വെറുപ്പും തീവ്രതയും സ്വന്തമാക്കി 

പാകിസ്ഥാൻ ആവുന്നു. 

**********

നാം നൂറ്റിമുപ്പത് കൊടിയുണ്ടെങ്കിലും

എങ്ങിനെ ഒരു വിഡ്ഢിയെ തന്നെ

പ്രധാനമത്രിയായി തെരഞ്ഞെടുക്കാൻ കഴിയുന്നു?

**********

ഉള്ളുപൊള്ളയായതിനു ശബ്ദം കൂടും.

ഭാരമില്ലാത്തത്  പൊങ്ങിപ്പാറും.

ഇങ്ങനെയൊക്കെയാണോ നമ്മുടെ നേതാക്കളും 

പ്രധാനമന്ത്രിമാരും ഉണ്ടാവുന്നത്?

********

ഇമ്രാൻഖാൻ മനസ്സിലാക്കിത്തരുന്നു. 

ഭരണാധികാരിക്ക് സ്പോർട്സ്മാൻ സ്പിരിറ്റും 

വിവേകവും വേണം. വെറും ഇലക്ഷൻ സ്പിരിറ്റും 

ഗാലറിക്ക് വേണ്ടിയുള്ള വായാടിത്തവും പോരാ. 

*********

മോഡി ചെയ്ത വലിയ ഉപകാരം.

ഇമ്രാൻഖാന് ഇന്ത്യയിലും 

സ്വീകാര്യത വാങ്ങിക്കൊടുത്തു. 

********

ചരിത്രത്തിലും പാഠപുസ്തകത്തിലും 

പതിയൊരു തലക്കെട്ട്, ചോദ്യം:

"ഇന്ത്യ കണ്ട ഏറ്റവും വലിയ വിഡ്ഢിയായ

ഭരണാധികാരി ആര്?”

**********

രാജ്യം സ്നേഹം എന്നാൽ 

രാജ്യം ഭരിക്കാനുള്ള മോഹം ആവരുത്. 

രാജ്യനിവാസികളെ കുരുതി കൊടുക്കാതെ 

സ്നേഹിക്കലാവണം. 

******

നോട്ടുനിരോധം - കാട്ടിൽ ബോംബിടൽ.

നേട്ടമില്ല. നഷ്ടവും ആളപായവും 

നമുക്ക് മാത്രം. ക്രൂരമായ കളവും 

വിഡ്ഢിത്തവും കൈമുതലായ ഭരണാധിപർ.

********

സമാധാനമുള്ള നാട് സുരക്ഷിത നാട്.

യുദ്ധമുണ്ടാക്കാത്ത കരങ്ങൾ സുരക്ഷിത കരങ്ങൾ.

യുദ്ധമൊഴിവാക്കുക, സമാധാനം തരിക

ഭരണാധിപ ധർമം.

*********

ഒരുനൂറു പ്രശ്നം പരിഹർക്കാൻ ഭരണത്തിലേറിയവർ,

ഒന്നും പരിഹരിക്കാതെ, ഒരുനൂറു പ്രശ്നം നമ്മോടു പറയരുത്.

ഒരുനൂറു പ്രശ്നം നമുക്ക് ഉണ്ടാക്കിത്തരരുത്.

********* 

പാക്കിസ്ഥാനെ കാണിച്ചല്ല ഇന്ത്യയുടെ 

രാഷ്ട്രീയവും പദ്ധതികളും രൂപപ്പെടുത്തേണ്ടത്. 

വീട്ടിലെ പരാജയം വീട്ടിൽ തന്നെ നിൽക്കേണം.

*********

ദേശത്തെയും ദേശവാസികളെയും 

വിലകൊടുത്തു കളിക്കുന്നതാവരുത് 

ഒരു രാഷ്ട്രീയവും രാജ്യസ്നേഹവും. 

*******

നമ്മളെ വഞ്ചിക്കുന്നതിന്റെയും 

നമ്മൾ വഞ്ചിക്കപെടുന്നതിന്റെയും 

പേര് ആവരുത് രാജ്യസ്നേഹം.

******** 

കാശ്മീർ: യഥാർത്ഥ കുറ്റവാളി, 

കുറ്റം ചെയ്യുക മാത്രമല്ല; അതിനൊത്ത ന്യായവും 

കാരണവും പശ്ചാത്തലവും  

ബലിയാടുകളെയും കൂടി ഒരുക്കുന്നു.

********

രാജ്യം ഏറ്റവും വലുത്. രാജ്യത്തിന് വേണ്ടി 

മതവും പാർട്ടിയും പുല്ലെന്നു കരുതാനും 

വേണ്ടെന്നു വെക്കാനും 

ഇയ്യുള്ളവൻ ഒരുക്കം. നിങ്ങളോ?

******

കാശ്മീർ: വ്രണമാക്കി നിർത്തിയത് തെറ്റ്.

പരിഹാരം യുദ്ധമല്ല.

പരിഹാരം തന്നെയാണ് പരിഹാരം. 

യുദ്ധം വ്രണത്തെ പഴുപ്പിക്കും. അതും തെറ്റ്.

*********

മതേതര പാർട്ടികൾ

മതേതരത്വമോ ദേശീയതയോ പഠിപ്പിക്കുന്നില്ല.

എന്നാലോ, പള്ളികളാസ്സുകൾ 

സ്ത്രീകൾക്കായി വരെ തകർക്കുന്നു. 

******

അഞ്ചുവർഷ രാജ്യഭരണത്തിന്റെ നേട്ടം.

ഡൽഹിയിൽ ലോകത്തെ ഏറ്റവും വലിയ 

ഫൈവ്സ്റ്റാർ പാർട്ടി ഓഫീസ്.

എല്ലാ ജില്ലകളിലും പാർട്ടി സൗധങ്ങൾ. 

********

ഒരു ചെറിയ സംശയം.

ഇന്ത്യൻ രാഷ്ട്രീയ പാർട്ടികളെ വിശ്വസിക്കുന്നതിനേക്കാൾ

വലിയ വിഡ്ഢിത്തം ഉണ്ടാവുമോ?

ജനാധിപത്യതിന്റെ ഒരു വില!!!

*********

രാജ്യസ്നേഹം വാക്കിലുണ്ടായാൽ മതി.

രാജ്യദ്രോഹികളെയും നാം രാജ്യഭരണം ഏല്പിക്കും.

അത്രയ്ക്ക് വിഡ്ഢികളാണ് നാം ഭാരതീയർ.

രാഷ്ട്രീയമായ്.

*******

രാജ്യദ്രോഹികൾക്കും വജ്രായുധം രാജ്യസ്നേഹം.

സ്നേഹം നടിച്ചു അമ്മയെ വെട്ടിനുറുക്കി വിറ്റു

കാശാക്കും വരെ.

********

രാജ്യദ്രോഹിയെ നമുക്ക് കണ്ടെത്താം.

പക്ഷെ നാട് ഭരിക്കുന്ന പാർട്ടികൾ തന്നെ 

രാജ്യദ്രോഹികൾ ആണെങ്കിലോ?

വില തിന്നുന്ന രാജ്യദ്രോഹികളായ വേലികൾ.

********

മതേതര പാർട്ടികൾ

മതേതരത്വമോ ദേശീയതയോ പഠിപ്പിക്കുന്നില്ല.

എന്നാലോ, പള്ളികളാസ്സുകൾ 

സ്ത്രീകൾക്കായി വരെ തകർക്കുന്നു.

*******

ലൂയി 14:  ഞാനാണ് രാജ്യം. 

മോഡി: എന്നെ എതിർക്കുന്നവർ രാജ്യത്തെ എതിർക്കുന്നു.

എന്ത് വ്യത്യാസം? സ്വേച്ഛാധിപത്യം. ആത്മപ്രശംസ.

ചോദ്യം ചെയ്യപ്പെടുന്നതിലെ ഭയം.

ചോദ്യം ചെയ്യരുതെന്നും  സ്വരം.

********

ദേശീയ പാർട്ടികൾ മുപ്പത്തിനായിരം കോടിയിലധികം 

ചിലവിട്ടു തെരഞ്ഞെടുപ്പ് ജയിക്കുന്നത്

രാജ്യത്തെ സേവിക്കാനോ അതോ പതിന്മടങ്ങു നേടാനോ? 

*******

സ്വന്തം വീട്ടിൽ തെമ്മാടിത്തം നടത്തുക.

കുളിമുറിയിൽ വഴുതി വീഴുക. എല്ലാറ്റിനും

കുറ്റം അയൽവാസിയിൽ ആരോപിക്കുക.

ദേശീയതയും ദേശസ്നേഹവും.

*******

ദേശീയത: ദേശത്തിന്റെ മറപിടിച്ചു പറയുന്ന, ചെയ്യുന്ന 

ഏതു കളവും തെറ്റും ശരിയെന്നതല്ല.

ദേശസ്നേഹം : അവ മുഴുവൻ കണ്ണടച്ച് വിശ്വസിക്കുന്നതല്ല

*******

രക്തസാക്ഷികളിൽ ഏറെയും ഗുണ്ടകൾ. 

കൊല്ലുന്നതും കൊല്ലപ്പെടുന്നതും മുടങ്ങുന്നതും 

ഗുണ്ടകൾക്കായ്. 

ഗുണ്ടകൾ വാഴ്ത്തപ്പെടുന്നു, വാഴിക്കപ്പെടുന്നു.