സ്നേഹം ഇഷ്ടവും വെറുപ്പുമാണ്, രക്ഷയും ശിക്ഷയുമാണ്, വളര്‍ച്ചയും തളര്‍ച്ചയുമാണ്.

മുഖവും ആകാരവും വടിവും 

തോന്നിപ്പിക്കുന്ന സൗന്ദര്യവും ലൈംഗികതയും 

നേരിട്ടനുഭവത്തില്‍ ഇല്ല. 

അനുഭവത്തില്‍ എല്ലാം വെറും വെറുതെ.

********

സ്നേഹം ഇഷ്ടവും വെറുപ്പുമാണ്, 

രക്ഷയും ശിക്ഷയുമാണ്, 

വളര്‍ച്ചയും തളര്‍ച്ചയുമാണ്. 

ശിക്ഷയും ശകാരവും സംഭവിക്കാത്ത സ്നേഹം 

കൃത്രിമം, കപടം.

*******

സ്വാര്‍ത്ഥത: 

താന്‍ മാത്രമാകുന്ന ദൈവത്തിന്റെ സ്വ-ഭാവം. 

എല്ലാം ചെയ്യിപ്പിക്കുന്ന ജീവിതത്തിന്റെ വഴി. 

അതിനാല്‍ എല്ലാരും സ്വാര്‍ത്ഥര്‍.

********

വായുവും വെള്ളവും ഭക്ഷണവും 

ആവശ്യമായ മാനവും തലവും തെരഞ്ഞെടുത്തതല്ല. 

അവ ലഭിക്കണം; ദൈവമാണേലും നല്‍കുക ബാധ്യത; 

ഔദാര്യവും കാരുണ്യവുമല്ല

*********

ദൈവം നടത്തുന്നത് പരീക്ഷ. 

ശരി. 

മതവും വിശ്വാസവും സ്വതന്ത്രമായി തെരഞ്ഞെടുക്കേണ്ടത്. 

ശരി. 

എങ്കിലത് കുട്ടികളില്‍ അടിച്ചേല്‍പിക്കുന്നത്?

*********

മതം അസ്ഥിവാരമിടുന്നത് 

തെരഞ്ഞെടുക്കാന്‍ അറിയാത്ത കുഞ്ഞുങ്ങളില്‍.  

ഭയവും കൊതിയും വിളക്കിച്ചേര്‍ത്ത് പണിതുയര്‍ത്തുന്നത് 

സ്ത്രീകളില്‍.

******

അവസാനമത തിട്ടൂരം. 

കണ്ണും മുഖവും കണ്ട് ആളെ തിരിച്ചറിയരുത്. 

ലൈംഗീകത ഉടലെടുക്കും. 

ശവത്തെ നോക്കരുത്. 

രോഗിയെയും വയോവൃദ്ധയെയുമതും.

******

ഏതെങ്കിലും ചിലത് മാത്രം ദൈവത്തിന്റേത് എന്നത് തെറ്റ്. 

ഒന്നുകില്‍ എല്ലാം ദൈവത്തിന്റേത്. 

അല്ലെങ്കിൽ ഒന്നും ദൈവത്തിന്റേതല്ല.

*******

"ഗുരോ, ബോധോദയം ഒന്നും ചെയ്യിപ്പിക്കില്ലേ?" 

"ഇല്ല". 

"കാരണം?" 

"ഒന്നും, പിന്നെ മോക്ഷം പോലും, ആഗ്രഹിക്കാനില്ലേൽ 

പിന്നെന്ത് ചെയ്യാന്‍?”

*******

പ്രത്യക്ഷമായതും(ളാഹിര്‍) പരോക്ഷമായതും (ബാത്വിന്‍) ദൈവം. 

എന്നുവെച്ചാല്‍ എല്ലാം ദൈവം. 

ദൈവമല്ലാത്തത് ഇല്ല. 

പിന്നെങ്ങിനെ രണ്ട്, ഞാന്‍?