കുഞ്ഞുങ്ങൾ ഉദയസൂര്യന്മാർ. വൃദ്ധന്മാർ അസ്തമയസൂര്യന്മാർ.

അച്ഛനും അമ്മയും ആയാൽ പിന്നെ,      

സ്ത്രീ പുരുഷന്മാർ അല്ലാതായിപ്പോവരുത്।

ആ നിലക്കുള്ള ജീവിതം നിഷേധിച്ചു കൊണ്ട്।

ജഡികതയിൽ കുടുങ്ങിക്കൊണ്ട്।

********

ഇന്ദ്രിയങ്ങൾ, മാനങ്ങൾ, മാനദണ്ഡങ്ങൾ

ഒന്നുമില്ലാത്തിടം. സ്വപ്നം. 

ഒന്നുമല്ലാത്തത് എല്ലാമാവുന്നിടം. 

ഇന്ദ്രീയങ്ങളേകിയ ബിംബങ്ങളുടെ നിഴൽ. 

*********

ഉദയാസ്തമയസൂര്യന്മാർ ഒരുപോലെ.

പക്ഷെ വ്യത്യാസമുണ്ട്. ഒന്ന് വളരും ഉയരും തെളിയും.

മറ്റേത് തളരും താഴും മറയും. കുട്ടികളും വൃദ്ധന്മാരും.

********

കുഞ്ഞുങ്ങൾ ഉദയസൂര്യന്മാർ. 

ഉയരാൻ ആകാശമുണ്ട്. തെളിയും വളരും.

നമ്മിൽ കൗതുകമുണർത്തും, ശ്രദ്ധയും താല്പര്യവുമതും. 

ഇത് ജീവിത നിയമം.

*********

വൃദ്ധന്മാർ അസ്തമയസൂര്യന്മാർ. 

ഉയരാൻ ആകാശമില്ല. തെളിയില്ല, വളരില്ല.

കൗതുകമുണർത്തില്ല - ശ്രദ്ധയും താല്പര്യവുമതും. 

ഇതും ജീവിത നിയമം. 

*************

ഉറുമ്പിനെയും ചിലന്തിയെയും നോക്കി - അടുത്ത് നിന്ന്. 

മനുഷ്യനെ നോക്കി - അകലെ നിന്ന്. 

വ്യത്യാസം തോന്നിയില്ല.

എല്ലാം ഒന്നു. ജീവി, ജീവിതം.

*******

ഒന്ന് ബോധം തെളിഞ്ഞു, തെളിയിച്ചു പറയട്ടെ. 

മരിച്ചു കഴിഞ്ഞാൽ ചക്കിലിട്ടു ആട്ടിയാലും 

തീയിലിട്ടു കരിച്ചാലും 

ഹൽവ ഉണ്ടാക്കിയാലും ഒന്ന്.

*********

സുഹൃത്തുക്കൾക്ക് പ്രായം കൂടുന്നില്ല.

കാരണം? എപ്പോഴാണോ സുഹൃത്തിനെ 

ഞാൻ അവസാനം കണ്ടത്

അന്നത്തേതാണ് അവന്റെ എപ്പോഴും ഉള്ള പ്രായം.