മനഃസാക്ഷിയില്‍, മനസാക്ഷിയോട്
സത്യസന്ധനാവുന്നതിനേക്കാള്‍ വലിയ
ധ്യാനവും യോഗയും പ്രാര്‍ത്ഥനയും ഇല്ല.
അവിടെ അറിവും അറിവില്ലായ്മയാവും.
********
ജനങ്ങളൊന്നടങ്കം ദൈവത്തെ അന്വേഷിക്കുന്നു.
ഈയുള്ളവന്‍ ഇവിടെ
ഓരോ മഴത്തുള്ളിയിലും വായുകണത്തിലും
ദൈവത്തെ അനുഭവിക്കുന്നു.
ജീവിതമായ്.
******
സദ്കര്‍മ്മം എങ്ങിനെയും ആരും
ചെയ്യുന്നത് മാത്രമായിരുന്നു
ഉദ്ദേശവും പ്രധാനവുമെങ്കിൽ,
മതവും മതപരിവര്‍ത്തനവും
വിഷയം ആവില്ലായിരുന്നു.
*******
മതത്തിന് പ്രധാനം സദ്കര്‍മ്മമല്ല;
മതത്തിലുള്ള വിശ്വാസം.
മതം പാപബോധം നിറക്കും.
പാപമോചനം മതത്തിലൂടെയെന്ന്
മാര്‍ക്കറ്റും ചെയ്യും.
******
നഗ്നതയില്‍ അഭിമാനിക്കുന്നില്ലേല്‍ അറിയുക:
നീ വസ്ത്രവും പര്‍ദ്ദയും ധരിക്കുന്നത്
അപകര്‍ഷതയും വൈകൃതവും മറക്കാന്‍;
സൗന്ദര്യം മറക്കാനല്ല.
******
മതം പഠിപ്പിക്കാത്തത്:
കാലത്തിലും ലോകത്തിലും ജീവിതത്തിലും
മുഴുക്കെയും ഉടനീളെയും
ദൈവത്തെയും സത്യത്തെയും സന്ദേശത്തെയും
കാണാന്‍.
*******
അച്ഛനും അമ്മയും ഗുരുവും ആയാൽ
സ്ത്രീ പുരുഷന്മാർ അല്ലാതായിപ്പോവരുത്.
ജീവിതം നിഷേധിച്ചു കൊണ്ട്.
നാട്യത്തിൽ കുടുങ്ങിക്കൊണ്ട്.
*******
നഗ്നതയില്‍ അഭിമാനിക്കുക.
നിങ്ങൾ ദൈവവിശ്വാസിയെങ്കിൽ
അത് ദൈവത്തെ അംഗീകരിക്കലും
സ്തുതിക്കലും മഹത്വപ്പെടുത്തലും കൂടിയാണ്‌.
*******
ഒറ്റപ്പെടുന്നതിന്റെ സുഖം
ദൈവികമാണ്, ദൈവത്തിന്റെതാണ്.
എന്തും ചെയ്യാം, എല്ലാം കാണാം.
ആരും കാണില്ല,
ആര്‍ക്കും ഒന്നും ചെയ്യാൻ പറ്റില്ല
*****
ദൈവികം എന്നാല്‍ പദാര്‍ത്ഥം എന്നും ബോധം എന്നും
ഊര്‍ജം എന്നും സ്വാഭാവിക ലോകം എന്നും
ഒക്കെയേ അര്‍ത്ഥം ആക്കുന്നുള്ളൂ.
പൊതു സംജ്ഞയില്‍ ദൈവം എന്ന
സ്വീകാര്യമായ വക്ക് ഉപയോഗിച്ചു എന്ന് മാത്രം.
****
നിങ്ങളോളം ഇല്ലാത്ത അയോഗ്യരുമായി
മത്സരിക്കരുത്. തങ്ങളുടെ കഴിവുകേടിനെ
അവർ നിങ്ങളുടെമേൽ ആരോപണമാക്കും.
നിങ്ങളെ കുറ്റവാളിയാക്കും.
******
പ്രാര്‍ത്ഥിച്ചത് തന്നെ പ്രാര്‍ത്ഥിച്ച്,
പറഞ്ഞത് തന്നെ പറഞ്ഞ്‌,
ഒച്ചയും ബഹളവും ഉണ്ടാക്കി,
ദൈവത്തെ വെറുപ്പിച്ചോ ആവോ....?
മഴയില്ല.
Subscribe to:
Post Comments (Atom)
.jpg)
No comments:
Post a Comment