ബാങ്കുവിളി ആരാധനകര്മം അല്ല. സമയം അറിയിക്കാനുള്ള ഏർപ്പാട് മാത്രം.

ശൈശവം, ബാല്യം, കൗമാരം, യൗവ്വനം, വാർദ്ധക്യം,

എന്നീ അവസ്ഥാമാറ്റങ്ങൾക്കു വിധേയമായിട്ടുണ്ടെങ്കിൽ 

പ്രകൃതിപരമായ എല്ലാ മാറ്റങ്ങൾക്കും 

വിധേയമാകുന്ന ശരീരം എന്നർത്ഥം.

**********

മുസ്ലിം സമുദായത്തിൽ ജനിച്ചത് കൊണ്ട് 

ഏതു വിശ്വാസിയെയും 

പള്ളിക്കാട്ടിൽ അടക്കാമെങ്കിൽ, 

ആരെയും അടക്കുന്നതിൽ എന്താണ് തെറ്റ്?

*********

മരിച്ചത് വിശ്വസിച്ചാണോ എന്നെങ്ങിനെ ഉറപ്പിക്കും? 

ഏതൊരു സമുദായത്തിന്റെ പേരിൽ അറിയപ്പെട്ടോ 

അതവന്റെ മതവിശ്വാസമായി കണക്കാക്കുക മാത്രമല്ലേ? 

വിശ്വാസപരമായ ഐഡന്റിറ്റി അത്രയല്ലേ ഉള്ളൂ?

********

ജനനം പോലെ മരണം. സർക്കാർ ആശുപത്രികളും 

സ്‌കൂളുകളും ഉണ്ട്; സർക്കാർ ശ്മാശാനങ്ങൾ ഇല്ല.

മരണത്തെയും മരണാനന്തരത്തെയും 

മതങ്ങൾക്ക് വിട്ടുകൊടുത്തതാണോ? 

********

ബാങ്കുവിളി ആരാധനകര്മം അല്ല.

സമയം അറിയിക്കാനുള്ള ഏർപ്പാട് മാത്രം. 

നബി ആദ്യം ബെല്ലടിക്കുകയായിരുന്നു.

എല്ലാർക്കും സമയമുള്ളപ്പോഴും ഇങ്ങനെ വേണോ?

********

മതഭീകര-തീവ്രവാദം ശ്വാസം മുട്ടിച്ച

രാജ്യം പാകിസ്ഥാൻ. അവരെ

സഹായിക്കുകയാണ് വേണ്ടത് - രക്ഷപ്പെടാൻ;

ആത്മരക്ഷാർത്ഥം കുറ്റപ്പെടുത്തുകയല്ല 

**********

ജീവിതത്തിനു, അഥവാ ദൈവത്തിന്, വല്ല ബോധവുമുണ്ടെൽ 

അത് മാതാപിതാക്കളുടേത്. ബാക്കിയെല്ലാം അതിനാൽ.

മാതാപിതാക്കങ്ങിനെയായത് അറിഞ്ഞും തെരഞ്ഞെടുത്തുമല്ല. 

***********

പള്ളിക്കാട്ടിൽ ശവമടക്കുന്ന ഒരേയൊരു മനശാസ്ത്രം 

സ്വന്തം സ്ഥലത്തിന്റെ കച്ചവടമൂല്യം സൂക്ഷിക്കാൻ.

കാട്ടിലെറിഞ്ഞു ഓർമയിൽനിന്നും അകറ്റാൻ.

*******

ചത്ത നായയെയും പൂച്ചയേയും 

സ്വന്തംവീട്ടുവളപ്പിൽ കുഴിച്ചിടാം। 

പക്ഷെ മരിച്ച ഉപ്പയെയും ഉമ്മയെയും പറ്റില്ല। 

എവിടെയാണ്, എന്താണ് നമുക്ക് പിഴച്ചത്?

**********

ബദ്റിലും ഉഹ്ദിലും ഖന്ധക്കിലും 

മരിച്ചവരെ കുളിപ്പിച്ചിട്ടില്ല, 

പളളിക്കാട്ടിൽ അടക്കം ചെയ്തിട്ടില്ല. 

എവിടെയാണോ മരിച്ചത് അവിടെ.

**********

പള്ളിക്കാട്‌ പൊതുസ്ഥലമെങ്കിൽ

അവിടെ മറ്റു മതസ്ഥരെ അടക്കരുതെന്നും

ഏതു ഖുർആനിലും ഹദീസിലും ആണുള്ളത്?

ശ്മാശാനത്തിനു എന്ത് മതം?

******

ശവത്തെ കുളിപ്പിക്കുന്നത് 

സ്വകാര്യതയിലേക്കുള്ള കടന്നു കയറ്റമല്ലേ? 

മരണാനന്തരം ഇക്കോലത്തിൽ 

സ്വകാര്യത അനാവൃതമാക്കേണ്ടതുണ്ടോ?

*******

മുസ്ലിം മരിച്ചാൽ പള്ളിക്കാട്ടിൽ

കുഴിച്ചുമൂടണമെന്നു ഏതു ഖുർആനിലും 

ഹദീസിലും ആണുള്ളത്? പിന്നെന്തുകൊണ്ട് 

ആരെയും എവിടെയും പറ്റില്ല?

പിന്നെന്തിനു വേറെ വേറെ ശ്‌മശാനം?

****

ഒന്ന് ബോധം തെളിഞ്ഞു, തെളിയിച്ചു പറയട്ടെ. 

മരിച്ചു കഴിഞ്ഞാൽ ചക്കിലിട്ടു ആട്ടിയാലും 

തീയിലിട്ടു കരിച്ചാലും 

ഹൽവ ഉണ്ടാക്കിയാലും ഒന്ന്.

*******

മര്യാദ നല്ലതു തന്നെ।

പുഴുക്കാൻ വെക്കുന്ന ശവത്തെ

കുളിപ്പിക്കുകയും ഉടുപ്പിക്കുകയും ചെയ്യുന്നത്ര

വിഡ്ഢികളും കുട്ടികളും തന്നെ നമ്മൾ। 

******