വിവാഹത്തിനും ജി എസ് ടി? 

മുസ്ലിം പള്ളി ഈടാക്കുന്നത് അഞ്ചായിരം.

ഖാളിയുടെ പൈസ വേറെ.  

സർക്കാറിനൊന്നുമില്ല - വരവും നിയന്ത്രണവും. 

*********

മുസ്ലിംകൾ അറിയാതെപോകുന്നത്.

ഇസ്‌ലാമികമായിത്തന്നെ, വിവാഹം ശരിയാവാൻ 

ഖാളിയും മുസ്ലിയാരും പള്ളിയും വേണ്ട.

ഇവിടെ പൗരോഹിത്യത്തിന്റെ ചൂഷണം

**********

ഖാളിമാരെ നിയമിക്കുന്നത് ആര്, എങ്ങിനെ?

മാനദണ്ഡം ഉണ്ടോ? യോഗ്യത ആവശ്യമുണ്ടോ?

പരീക്ഷകൾ വേണ്ടേ? പാരമ്പര്യവും 

വേഷവിധാനവും മാത്രം മതിയോ? 

**********

കടം ശവം പോലെ. വാങ്ങിയവന്നു നൽകുന്നത്

ഭാരം, ജീര്‍ണ്ണത, ദുര്‍ഗന്ധം. അതിനാല്‍,  

കടം കൊടുത്തവനെ വെറുക്കുന്നു. 

സൗഹൃദം നശിക്കുന്നു

*********

സ്വപ്നത്തിലെ ഭാരതവും വിശാലതയും

ന്യൂസിലാൻഡിൽ പൂത്തുലയുന്നു.

വർത്തമാന ഇന്ത്യയും കുടിലതയും

പാകിസ്താനിലും ഇസ്റായേലിലും കൃഷിയിറങ്ങുന്നു.

********* 

ആരാണ് കപടൻ? നേരും ശരിയും നേരെവന്നാലും

നിഷ്പക്ഷത പറഞ്ഞു മുഖംതിരിഞ്ഞു നിൽക്കുന്നവൻ. 

കഥയിൽ മാത്രം നേരിനെയും ശരിയേയും പൂജിക്കുന്നവൻ.

*******

അവനവന്റെ പരാജയം ആരോടെങ്കിലുമുള്ള 

ശത്രുതയും വെറുപ്പുമാകുന്നു. 

തീവ്രതയും വർഗീയതയുമായത് മാറുന്നു. 

അത്തരം പാർട്ടികൾ അതുപയോഗിക്കുന്നു.

*******

ശരീരത്തിന് വേണ്ട പ്രണയമേ ഉള്ളു. 

കാണുമ്പോൾ തോന്നുന്ന സൗന്ദര്യം, 

കാമം, ലൈംഗികത, അനുഭവിക്കുമ്പോൾ

നശിക്കുന്നു, വികൃതമാകുന്നു. 

***********

നിഷ്പക്ഷതത എന്നതില്ല. അതും ഒരു പക്ഷമാണ്. 

ശരി ഏതു പക്ഷത്താണോ അതായിരിക്കണം പക്ഷം.

മാറിമറിയുന്ന പക്ഷം.

*********  

എല്ലാവരും ആശംസിക്കുന്ന ദീര്ഘായുസ്സ്.

കുടിയും തീറ്റയും ഭോഗവും ശ്വാസോഛ്വാസവും 

ആവർത്തിക്കുന്ന, നീട്ടുന്ന പ്രക്രിയ.

************

കാശ്മീരിലും ഫസ്തീനിലും ഉള്ള 

കുഞ്ഞിന് വേണ്ടി നിലവിളിക്കും. 

സ്വന്തം മകനോ പുരോഹിതനോ 

അവിഹിതം ഉണ്ടാക്കിയാൽ അവഗണിക്കും।

************

അതിജീവന കല. കുട്ടികളോട് ചോദിക്കൂ

മാർക് എങ്ങിനെയുണ്ടെന്നു. കുറവ് വാങ്ങിയവരുടെ

മൊത്തം ലിസ്റ്റ് തരും. കൂടുതൽ വാങ്ങിയ 

ഒരാളെയും ഓർമയുണ്ടാവില്ല.

*********

തീവ്രഭീകരവാദികളും ആസൂത്രകരും 

എന്തുകൊണ്ട് എപ്പോഴും കൊല്ലപ്പെടുന്നു, പിടിക്കപ്പെടുന്നില്ല?  

അവിടിയാണ് ഇന്ത്യൻ രാഷ്ട്രീയ മാറിമായം.

**********

നിങ്ങളോളം ഇല്ലാത്തവരുമായും അയോഗ്യരുമായും

മത്സരിക്കാതിരിക്കുക. തങ്ങളുടെ കഴിവുകേടിനെ 

അവർ നിങ്ങളുടെമേൽ ആരോപണമാക്കും.

നിങ്ങളെ കുറ്റവാളിയാക്കും.