ബാർബറും കഴുത്തിലെ കത്തിയും. ഭരണകൂടവും അവർ പറയുന്ന രാജ്യസ്നേഹവും

പട്ടാളത്തിൽ എത്തുന്നത് രാജ്യസ്നേഹം കൊണ്ടല്ല.

പകരം തൊഴിൽ തേടി. ഇടതടവില്ലാത്ത 

ഉപജീവനവും, ജീവിതം സുരക്ഷിതത്വവും നേടാൻ. 

******

കാശ്മീർ: മതം ഉണ്ടാക്കിയ 

തീവ്രവാദവും വിഘടനവാദവും.

മതേതരത്വം വോട്ടിനു വേണ്ടി സുഖിപ്പിക്കൽ മാത്രമാവുമ്പോൾ, 

മതം രാജ്യത്തെയും വിഴുങ്ങുന്നു.

*******

കാശ്മീരിൽ മത തീവ്രവാദവും 

വിഘടനവാദവും ഉണ്ടെന്നത് തർക്കമറ്റത്.

എന്നുവെച്ചു ചത്തത് കീചകനെങ്കിൽ കൊന്നത് 

ഭീമൻ തന്നെ എന്നു വരരുത്.

*********

കാശ്മീർ ചോരപ്പുഴ. തെരഞ്ഞെടുപ്പിന് മുൻപ് 

ഇനിയും എത്ര, എവിടെയെല്ലാം?

ക്രൂരതയും തെരഞ്ഞെടുപ്പ് വിജയത്തിനുള്ള തന്ത്രമാകരുത്.

********

ബാർബറും കഴുത്തിലെ കത്തിയും.

ഭരണകൂടവും അവർ  പറയുന്ന രാജ്യസ്നേഹവും ദ്രോഹവും. 

മറിച്ചൊന്നും പറഞ്ഞുകൂടാ. 

കത്തി വെച്ച് കഴുത്തു മുറിക്കും.

*********

കാശ്മീർ ചോരപ്പുഴ. 

വിഭജനവും കലാപവും രക്തച്ചൊരിച്ചിലും അല്ലാതെ 

മറ്റെന്താണ്‌ മതം സ്വതന്ത്ര ഇന്ത്യക്കു നൽകിയ സംഭാവന?

********

പാർട്ടിക്ക് പടർന്നു കയറാൻ, 

നേതാവിന് പഴം പറിക്കാൻ ഒരു മരം. ഇന്ത്യ.

ആത്മാർത്ഥതയെ നീരുറവയാക്കുന്ന 

ഒരു പാർട്ടിയും ഇവിടെ ഇല്ല.

*******

അഞ്ചു കൊല്ലത്തേക്ക് ഇന്ത്യയെ 

ആര് പാട്ടത്തിനെടുക്കും?

ലേലം വിളിക്കാൻ ഒരു തെരഞ്ഞെടുപ്പ് - 2019.

ജനാധിപത്യത്തിന്റെ പുകമറയിൽ.

*********

എല്ലാ പാർട്ടികളും ഇന്ത്യയെ ബാധിച്ച 

കൊക്കൂണും വിരയും തന്നെ. ഇത്തിൾകണ്ണികൾ.

സ്വയം വളരാൻ നാടിന്റെ ശരീരത്തെ 

കാർന്നു തിന്നുന്നവർ.