സ്ത്രീപുരുഷ പ്രണയമുണ്ടെന്ന് കരുതുന്നില്ല.
കാമമുണ്ടെന്ന് കരുതുകയും ചെയ്യുന്നു.
കാമം നേരിട്ട് നടത്താൻ സാധിക്കാത്തതിനെ പ്രണയമെന്ന ഓമനപ്പേരിട്ട് വിളിക്കുന്നു.
തനിക്ക് കാമം ചെലുത്താൻ പറ്റിയതിനെ തന്നെയേ പേര് മാറ്റി ആരും പ്രണയിക്കുന്നുള്ളൂ.
*****
ജീവിതം തന്നെ വലിയ ഭോഷ്ക്കും കളവും ആയതിനാൽ ആയതിനാൽ ജീവിതത്തിന് വേണ്ടി നടത്തുന്ന പ്രണയവും വലിയ ഭോഷ്ക്കും കളവും ആവുന്നതിൽ വലിയ അൽഭുതമില്ല.
****
മരണം ആരെയും പ്രത്യേകിച്ച് നല്ലതോ മോശമോ ആക്കുന്നില്ല.
മരണം ആരെയും പ്രത്യേകിച്ച് പുണ്യവാളനോ പാപിയോ ആക്കുന്നില്ല.
മരണത്തിന്‌ ഒരു പണിയും എടുക്കാനറിയില്ല. ഇല്ലാതാക്കുന്നതല്ലാതെ.
*****
മതം കുട്ടികളെ പഠിപ്പിക്കുന്ന ന്യായം. സ്ത്രീയെന്നാൽ വിലപിടപ്പുളള വസ്തു (commodity) പോലെ.
പാക്ക് ചെയ്ത് മറച്ചുവേക്കേണ്ട, സംരക്ഷിക്കേണ്ട വസ്തു (commodity).
രത്നം, വൈരം, സ്വർണം, കേക്ക്, ബിസ്കറ്റ്, സ്ത്രീ.
******
പലതും കണ്ട്, മുഖവും ശരീരവടിവും കണ്ട്, നീ സൗന്ദര്യം സങ്കല്പിക്കും.
എന്നിട്ടോ?
ഒന്നെയൊന്ന് കാണാൻ കൊതിക്കും.
ആ ഒന്നെയൊന്ന് കണ്ടാലോ?
എല്ലാ സൗന്ദര്യവും സൗന്ദര്യസങ്കൽപ്പവും അവിടെ അവസാനിക്കും , നശിക്കും.
.jpg)
No comments:
Post a Comment