ബോധോദയവും യോഗയും കൊതിക്കുന്നവരുണ്ട്. തെറ്റിദ്ധരിച്ച് മാത്രം.

സ്വതന്ത്രചിന്തയും ആത്മീയതയും ഒന്ന്, ഒരുപോലെ. 

സ്വയം കെട്ടഴിക്കൽ. 

ഒപ്പം എല്ലാം കത്തിച്ചുകളയൽ. 

സ്വതന്ത്രചിന്തയും ആത്മീയതയും അഗ്നിഗോളം പോലെ. 

ദൂരെനിന്ന് അതീവസുന്ദരം. 

അടുത്തുചെന്നാൽ ചുട്ടുപൊള്ളുന്നത്. 

സ്വതന്ത്രചിന്തയിലേക്കും ആത്മീയതയിലേക്കും നടന്നടുക്കുന്നത് മഴപ്പാറ്റകൾ  അഗ്നിഗോളത്തിലേക്ക് നടന്നടുക്കുന്നത് പോലെ. 

ആത്മനാശത്തിന്.

*****

ബോധോദയവും യോഗയും സന്യാസവും ഒക്കെ ഉയർച്ചയുടെയും പ്രശസ്തിയുടെയും അംഗീകാരത്തിൻ്റെയും വഴിയാണെന്ന് തെറ്റിദ്ധരിച്ച് അവ കൊതിക്കുന്നവരുണ്ട്. 

എല്ലാം നഷ്ടപ്പെടുന്ന, ഉയരാനും നേടാനും ഒന്നുമില്ലാത്ത, ഏവരാലും തിസകരിക്കപ്പെടുന്ന, കൊഴിഞ്ഞ് ഒറ്റയായി വിസ്മൃതിയിലേക്ക് തള്ളപ്പെടുന്ന അവസ്ഥയാണ് ബോധോദയവും യോഗയും സന്യാസവും ഒക്കെ.

*****

സ്വര്‍ണ്ണം ആഭരണമാകുന്ന വഴി തീയിലൂടെ പോകുന്ന വഴി കൂടിയാണ്. 

നിരാശപ്പെടേണ്ട. കാണാതിരിക്കുന്നത്രയും തെളിച്ചവും കൂടും. 

രത്നം രത്നമാകുന്നത് അങ്ങനെയാണ്.

*****

എന്നെ ഞാനാക്കാൻ നൂറായിരം കോടി കാര്യങ്ങൾ ഒരുമിക്കുന്നു, പ്രവർത്തിക്കുന്നു. സ്തൂലമായും സൂക്ഷ്മമായും. 

പക്ഷെ,  അതിലൊന്നും ഒരറിവും പങ്കും നിയന്ത്രണവും അധികാരവും എനിക്കില്ല. 

എന്നിട്ടും ഞാൻ ഞാനെന്നും എൻ്റെതെന്നും വീമ്പ് പറയുന്നു.

*****

അടുപ്പം ചെറുതിനെ വലുതാക്കുന്നു, മടുപ്പുള്ളതുമാക്കുന്നു. 

അകലം വലുതിനെ ചെറുതാക്കുന്നു. താൽപര്യമുള്ളതും വേണമെന്നുള്ളതുമാക്കുന്നു.