ലൈംഗികത നടന്നുകിട്ടിയാൽ തീരുന്ന പ്രണയമേ ഉളളൂ.

ലൈംഗികത നടന്നുകിട്ടാനുള്ള, വെറും വളച്ചുകെട്ട് മാത്രമായ, തെറ്റിദ്ധാരണ കൊണ്ടുള്ള പ്രണയമേ ഉളളൂ. 

ലൈംഗികത നടന്നുകിട്ടിയാൽ തെറ്റിദ്ധാരണ മാറിയാൽ തീരുന്ന പ്രണയമേ ഉളളൂ. 

സമൂഹവും നിയമവും നിർബന്ധമാക്കുന്നത് കൊണ്ടുള്ള വിവാഹവും...

*****

പുരുഷൻ സ്ത്രീയെ കാമിക്കും. 

പ്രായത്തിൻ്റെ അപക്വത കൊണ്ടും ദാഹശമനം നിഷേധിക്കപ്പെടുന്നത് കൊണ്ടുമല്ലാതെ പ്രേമിക്കുമെന്നത് വിശ്വസിക്കാനാവുന്നില്ല. 

പുരുഷൻ്റെ കാമത്തെ സ്ത്രീ ഉള്ളാലെ തനിക്കുള്ള അംഗീകാരമായും പ്രേമമായും തെറ്റിദ്ധരിക്കുന്നു.

*********

ഒരു സ്ത്രീശരീരം, 

അല്ലെങ്കിൽ ഒരു പുരുഷശരീരം വേണം. 

ആ ശരീരത്തിന് 

തങ്ങൾക്ക് ഇഷ്ടമാകുന്ന സൗന്ദര്യവും വേണം. 

മഹാഭൂരിപക്ഷവും പ്രണയിക്കുന്നതങ്ങിനെ. 

വിവാഹം ചെയ്യുന്നതും അതുകൊണ്ട്. 

പക്ഷെ, രണ്ട് ശരീരങ്ങൾ മാത്രമായി, വെറും ശരീരം കൊണ്ട് മാത്രം ഏത്രകാലം?

********

സത്യത്തെയും ദൈവത്തെയും  പ്രാപിക്കാൻ പുരോഹിതന്റെ ആവശ്യമില്ല. 

എന്നത് പോലെ തന്നെ ന്യായവും നീതിയും തേടാനും നേടാനും, ഏറിയാൽ ഒരു ഏജന്റ് മാത്രമാകാവുന്ന, അഭിഭാഷകനും ആവശ്യമില്ല.