ദൈവത്തെ വ്യക്തിവൽക്കരിച്ചു കാണുന്നവർ.

ദൈവത്തെ വ്യക്തിവൽക്കരിച്ചും ബിംബവൽക്കരിച്ചും കാണുന്നവർക്കാണ് ദൈവം പ്രവാചകനെ അയച്ചു, അവസാന പ്രവാചകനെ അയച്ചു, ഏതോ ഒരാളെ മാത്രം തെരഞ്ഞെടുത്തു, അയാൾക്ക് മാത്രം സന്ദേശമയച്ചു, മനുഷ്യനെ മാത്രം പരീക്ഷിക്കുന്നു, മനുഷ്യനെ മാത്രം പരീക്ഷിക്കുന്നു, രക്ഷിക്കുന്നു എന്നൊക്കെ പറയാൻ തോന്നുന്നത്.

*****

മനുഷ്യൻ്റെ തലച്ചോറും മാനവും വികാരവിചാരങ്ങളും തന്നെ അവർ കാണിച്ചുതരുന്ന ദൈവത്തിന്. 

അതിനാൽ ആ ദൈവം നോക്കുന്നു, കാണുന്നു, പ്രതീക്ഷിക്കുന്നു, പരീക്ഷിക്കുന്നു, ഇഷ്ടപ്പെടുന്നു, ആവശ്യപ്പെടുന്നു, കല്പിക്കുന്നു, കോപിക്കുന്നു, സന്തോഷിക്കുന്നു, തൃപ്തിപ്പെടുന്നു, ശിക്ഷിക്കുന്നു, രക്ഷിക്കുന്നു. എന്നൊക്കെ അവർ ആരോപിച്ച് പറയുന്നു, പ്രചരിപ്പിക്കുന്നു.

*****

ഇസ്‌ലാം വിശ്വാസവും ചരിത്രവും അത് നൽകുന്ന സ്വീകാര്യതയും ഒക്കെ ജൂതന്മാരിൽ നിന്നും ക്രിസ്ത്യാനികളിൽ നിന്നും അവരുടെ ഗ്രന്ഥങ്ങളിൽ നിന്നും നേരിട്ടെടുത്തതാണ്.

അതുകൊണ്ടാണ്, അതിന് വേണ്ടിയാണ് അബ്രഹാം പരമ്പരയാണെന്ന വാദവും, അബ്രഹാമിൻ്റെ വഴി (മില്ലത്ത്) ആണെന്ന അവകാശവാദവും ഇസ്‌ലാമിൽ കൃത്യമായും വന്നത്.