അധ്വാനിച്ച് അര്‍ത്ഥം കണ്ടെത്തുന്നു, കോപം പൂണ്ട് സമാധാനം കണ്ടെത്തുന്നു പുരുഷൻ
"ന: സ്ത്രീ പ്രവാചക അർഹതി" എന്നുവെച്ചാല്‍ 'സ്ത്രീക്ക് പ്രവാചകനാവാന്‍ അര്‍ഹതയില്ല'. ഈയൊരു പ്രയോഗം നടത്തിയത്‌ Raghu K Wandoor എന്ന നല്ല fb സുഹ്രുത്ത്.
ഇങ്ങനെയൊരു കാര്യം അദ്ധേഹം പറയാൻ ഇടവന്ന ഈയുള്ളവന്റെ അടിസ്ഥാന പോസ്റ്റ്.
'സ്ത്രീ ശ്രമിക്കാതെ നേടും;
പുരുഷൻ ശ്രമിച്ചു നഷ്ടപ്പെടും.
അതിനാൽ പുരുഷന് കവിയും ചിന്തകനും
അധികാരിയും പ്രവാചകനും ആവേണ്ടിവരും.'
ശരിയാണ്‌ സ്ത്രീക്ക് പ്രവാചകനാവാന്‍ അര്‍ഹതയില്ല എന്നത്‌ പോലെയുണ്ട് ചരിത്രം.
മതങ്ങളുടെ ചരിത്രം അതാണ്, അങ്ങനെയാണ്.
പ്രത്യേകിച്ചും സെമിറ്റിക് മതങ്ങളുടെ ചരിത്രം.
നൂറായിരം പ്രവാചകന്‍മാര്‍ ഉണ്ടെന്ന് സെമിറ്റിക് മതം അവകാശപ്പെടുമ്പോഴും അതിലൊന്ന് പോലും സ്ത്രീ ഇല്ല. ....
സ്ത്രീകൾ ആരും തന്നെ അങ്ങുനിന്നിങ്ങോളം പ്രവാചകന്മാരായി ഇല്ല.
ഇസ്ലാമില്‍ സാക്ഷി പറയാനും പ്രാര്‍ത്ഥനക്ക് നേതൃത്വം നല്‍കാനും, ഭരണനേതൃത്വം നല്‍കാനും ഒറ്റക്ക് യാത്ര ചെയ്യാനും സ്ത്രീക്ക് അര്‍ഹതയില്ല, പാടില്ല.
പുരുഷനെ പോലെ സ്വയം തീരുമാനിച്ച്, തെരഞ്ഞെടുത്ത് പെണ്‍കുട്ടിക്ക് സ്വയം വിവാഹിതയാവാന്‍ അര്‍ഹതയില്ല. അവളെ കെട്ടിച്ച് കൊടുക്കണം. അങ്ങനെ കെട്ടിച്ച് കൊടുക്കാന്‍ പിതാവിന് മാത്രം അര്‍ഹത.
എന്തിനധികം, പെണ്‍കുട്ടികളെ വിവാഹം ചെയത് കൊടുക്കാന്‍ അമ്മയായ സ്ത്രീക്ക് അര്‍ഹത ഇല്ല, പാടില്ല .
പിതാവിന് മാത്രം അധികാരം, അര്‍ഹത.
ആ പിതാവ് എത്രവലിയ തെമ്മാടി ആയാലും, എത്ര ഉത്തരവാദിത്തം ഇല്ലാത്തവന്‍ ആയാലും പിതാവിന്റെ അധികാരത്തില്‍ പെട്ടത് മകളെ വിവാഹം എന്ന ചടങ്ങ് ചെയത് കൊടുക്കല്‍.
വിവാഹമോചനം ശേഷം അമ്മ മാത്രം ഒറ്റക്ക് കഷ്ടപ്പെട്ട് മക്കളെ പോറ്റിയതാണെങ്കിലും എവിടെ നിന്നോ പൊക്കിക്കൊണ്ട് വരുന്ന പിതാവിന് മാത്രം വിവാഹം എന്ന ചടങ്ങ് നടത്തിക്കൊടുക്കാനുള്ള അര്‍ഹതയും അധികാരവും.
******
ഈയുള്ളവന്റെ പോസ്റ്റ് കൊണ്ട്‌ പറയാൻ ഉദ്ദേശിച്ചത് വേറൊന്ന്. സ്ത്രീക്ക് അങ്ങനെ അര്‍ഹത ഇല്ലെന്നല്ല.
പലപ്പോഴും പ്രകൃതിപരമായി തന്നെ സ്ത്രീക്ക് ശ്രമിക്കേണ്ടി വരുന്നില്ല എന്ന് മാത്രം പറയാൻ ശ്രമിച്ചു. പ്രകൃതി പര മായി തന്നെ സ്ത്രീ ശ്രമിക്കേണ്ട ഉപകരണമല്ല.
സ്ത്രീക്ക് ഒന്നും ശ്രമിക്കാതെ തന്നെ നേടാൻ സാധിക്കും, സാധിക്കുന്നു എന്ന് പറയുന്നതാവും വേറൊരു കോലത്തില്‍ ശരി.
പുരുഷൻ സ്ത്രീക്ക് വേണ്ട, സ്ത്രീക്ക് വേണ്ടി ശ്രമിക്കേണ്ട വെറും ഉപകരണം മാത്രം എന്നര്‍ത്ഥം.
സ്ത്രീക്ക് വേണ്ട കാര്യങ്ങൾ ചെയ്യാൻ വേണ്ടി മാത്രം എപ്പോഴും ശ്രമിച്ച് ക്ഷീണിച്ച് നഷ്ടപ്പെടുന്നവന്‍ മാത്രം പുരുഷൻ എന്ന് സാരം.
ആ നിലക്ക് പുരുഷന്റെ ശക്തി എന്ന് പുറമെ നിന്ന് തോന്നുന്നത് യഥാര്‍ത്ഥത്തില്‍ അവന്റെ അശക്തിയാണ്.
നിസ്സഹായതയുടെയും നിരാശയുടെയും പടുകുഴിയില്‍ വീഴുന്ന പുരുഷൻ.
ശൂന്യത തൊട്ടറിയുന്ന പുരുഷൻ
അവന്‍ സ്വയം തെളിയാനും തെളിയിക്കാനും വേണ്ടി അധികാരവും പ്രവാചകത്വവും സാഹിത്യവും ദാര്‍ശനികതയും മറയാക്കുന്നു, വഴിയാക്കുന്നു.
അങ്ങനെ പുരുഷൻ, സ്വയം തെളിയാനും തെളിയിക്കാനും എപ്പോഴും ശ്രമിച്ചും സമര്‍ഥിച്ചും തന്നെ....
ഒരുപക്ഷേ അവന്റെ തന്നെ അശക്തിയും നിരാശയും കൊണ്ട്‌ അധികാരം എന്ന് തോന്നിപ്പിക്കുന്ന രൂപത്തില്‍....
അധ്വാനിച്ച് അര്‍ത്ഥം കണ്ടെത്തുന്നു, കോപം പൂണ്ട് സമാധാനം കണ്ടെത്തുന്നു പുരുഷൻ എന്ന് വേണം പറയാൻ...
.jpg)
No comments:
Post a Comment