വിശ്വാസം അവരെ ഭീരുക്കളാക്കുന്നു.

വല്ലാത്ത കഷ്ടം!!!  

മനുഷ്യൻ്റെ തലച്ചോറും മാനവും വികാരവിചാരങ്ങളും തന്നെ ദൈവത്തിന്. 

മതങ്ങൾ കാണിച്ചുതരുന്ന ദൈവത്തിന്. 

അതിനാൽ 

ആ ദൈവം നോക്കുന്നു, 

കാണുന്നു, 

പ്രതീക്ഷിക്കുന്നു, 

പരീക്ഷിക്കുന്നു, 

ഇഷ്ടപ്പെടുന്നു, 

ആവശ്യപ്പെടുന്നു, 

കല്പിക്കുന്നു, 

കോപിക്കുന്നു, 

സന്തോഷിക്കുന്നു, 

തൃപ്തിപ്പെടുന്നു,

ശിക്ഷിക്കുന്നു, 

രക്ഷിക്കുന്നു. 

വല്ലാത്ത കഷ്ടം!!!

*****

വിശ്വാസികള്‍ ഭീരുക്കളാണ്‌. 

അവരുടെ വിശ്വാസം അവരെ ഭീരുക്കളാക്കിയിരിക്കുന്നു. 

ഏറ്റവും വലിയ അപകടത്തിലും അരക്ഷിതാവസ്ഥയിലും അവരുടെ ദൈവവും നേതാവും. 

വിശ്വാസികള്‍ ദൈവത്തെയും നേതാവിനെയും രക്ഷിക്കാന്‍ മനുഷ്യരെ മുഴുവന്‍ വെറുക്കുന്നു, ആക്രമിക്കുന്നു, ഒറ്റുകൊടുക്കുന്നു. 

അവരുടെ ദൈവവും നേതാവും അവരെ രക്ഷിക്കുന്നുമില്ല.

******

എല്ലാ ഉത്തരങ്ങളും വിശദീകരണങ്ങളും ഒരുമിച്ച് തലച്ചോറില്‍ വരുന്ന, ശേഖരിക്കുന്ന പ്രക്രിയ അല്ല ബോധോദയം.

*****

ഹിന്ദുവിന് ആരെയെങ്കിലും മാത്രം മുറുകെപ്പിടിച്ച് യാഥാസ്ഥികനാവാൻ  ബാധ്യതയില്ല, സാധ്യമല്ല. 

അതിനാൽ തന്നെ ഒരു ഹിന്ദുവിന് തീവ്രവാദിയും മതമൗലികവാദിയും ആവാനും സാധിക്കില്ല.

അത്തരം യാഥാസ്ഥിതികതയും മതമൗലികതയും തീവ്രതയും കൊണ്ട് കയറേണ്ട സ്വർഗ്ഗവും അതല്ലെങ്കിൽ കയറേണ്ട നരകവും ഹിന്ദുവിനില്ല.