ഞാൻ പ്രപഞ്ചമായിത്തീരുന്നു എന്നും അഹംബ്രഹമാസ്മിക്ക് സാരമാവാം.

ഞാനും നീയും ചേർന്ന നമ്മൾ ഇല്ലാതെ നമ്മൾ ഒന്നാവും. 

ഈ പ്രാപഞ്ചികതയിൽ. 

ഈ ബ്രഹ്മത്തിൽ. 

പ്രാപഞ്ചികതയെ, ബ്രഹ്മത്തെ എന്ത് പേരിട്ട് വിളിച്ചാലും ഒന്ന്. 

ദൈവമെന്നോ പദാർത്ഥമെന്നോ ഊർജമെന്നോ ബോധമെന്നോ. 

നിഷേധിച്ചാലും വിശ്വസിച്ചാലും അഹംബ്രഹമാസ്മി തന്നെ ശിഷ്ടം. 

ഞാൻ പ്രപഞ്ചമായിത്തീരുന്നു എന്നും അഹംബ്രഹമാസ്മിക്ക് സാരമാവാം. 

ഞാൻ പ്രപഞ്ചം തന്നെയെന്ന് തത്വമസിക്കും അർത്ഥമാവാം. 

******

വിശ്വസിക്കാം, നിഷേധിക്കാം. 

സാധിക്കുമെങ്കിൽ ദൈവത്തോളം വികസിച്ച് വളരാം - അഹംബ്രഹ്മാസ്മി, തത്വമസി. 

വേണേൽ ദൈവം നിങ്ങളോളം ചുരുങ്ങുകയും ചെയ്യും - ബിംബങ്ങളായും സങ്കല്പവ്യത്യാസങ്ങളായും. 

ഭാരതീയദർശനവും ഹൈന്ദവതയും നൽകുന്ന സ്വാതന്ത്ര്യം. 

ദൈവവും സത്യവും ഒരോരുവവൻ്റെയും വിതാനം പോലെ.