എന്തിന്‌ ജീവിക്കുന്നു? ജീവിക്കാൻ വേണ്ടി ജീവിക്കുന്നു.

എന്തിന്‌ ജീവിക്കുന്നു?

ഒരു സംശയവും വേണ്ട.

ജീവിക്കാൻ വേണ്ടി ജീവിക്കുന്നു.

*****

ചേരട്ടയും ചിലന്തിയും യാചകനും ഭ്രാന്തനും  തോന്നിപ്പിച്ച, നിന്ന്‌ നോക്കാനും കേള്‍ക്കാനുമുള്ള കൗതുകവും ബഹുമാനവും ആശ്ചര്യവും ഒരു പ്രധാനമന്ത്രിയും മുഖ്യമന്ത്രിയും പുരോഹിതനും സിനിമാനടനും ഇന്നിതുവരെ തോന്നിപ്പിച്ചില്ല.

*******

ആദ്യമേ ഉള്ളതും ശേഷം തുടരുന്നതും ഈ ഞാന്‍ ബോധമല്ല.

******

ഒന്നുമില്ല. 

നീയും ഞാനുമായി ബന്ധപ്പെട്ട് ഒന്നുമില്ല. 

കുടിക്കും, തിന്നും, ഉറങ്ങും, അധ്വാനിക്കും, സമ്പാദിക്കും. 

ശരിയാണ്. 

എന്നിട്ടോ? 

എന്നിട്ടും എന്നാലും ഒന്നുമില്ല. 

ഒന്നുമില്ലെന്ന ആ അറിവുമായി ഒത്തുപോവുക മാത്രം.