വെറുപ്പും വെറുപ്പിൻ്റെ രാഷ്ട്രീയവും മാത്രമേ തങ്ങൾക്കാവൂ, വേണ്ടൂ

ജീവിതത്തിന്റെ അര്‍ത്ഥവും ലക്ഷ്യവും പറയുമ്പോൾ അത് പഴയതും പുതിയതുമായ എല്ലാ മനുഷ്യനും ജീവികള്‍ക്കും ചേരണം. അങ്ങനെയെങ്കിൽ  അതിജീവിക്കാന്‍ ജീവിക്കുന്നു എന്ന് മാത്രം പറയേണ്ടി വരും.

****

കുട്ടിപ്രായത്തിൽ തന്നെ എടുത്ത് ബ്രെയിൻവാഷ് ചെയ്യുന്നു. മദ്റസയിലായാലും മാമോദീസ മുക്കിയായാലും ശാഖയിലാണേലും. ഒരളവോളം നമ്മളെല്ലാരും അങ്ങനെ ബ്രെയിൻവാഷ് ചെയ്യപ്പെട്ടിരുന്നു. വളരേ കുറച്ച് പേർ മാത്രം എങ്ങിനെയോ പിന്നീട് അതിൽ നിന്നും രക്ഷപ്പെടുന്നു. അല്ലാത്തവരൊക്കെയും മതത്തിനും വർഗീയതക്കും മുതൽക്കൂട്ട്.

*****

 വെറുപ്പും വെറുപ്പിൻ്റെ രാഷ്ട്രീയവും മാത്രമേ തങ്ങൾക്കാവൂ, വേണ്ടൂ എന്നും, വെറുപ്പുണ്ടാക്കാൻ സാധ്യതയുള്ള ഏതിടത്തും ഈച്ച മലത്തിൽ എന്ന പോലെ നമ്മളുണ്ടാവും എന്നുമാണോ ഇപ്പൊൾ ഇക്കാര്യത്തിൽ പി സി ജോർജിനെ മഹത്വൽകരിക്കുന്നവരും കൊണ്ടുനടക്കുന്നവരും പറയാതെ പറയുന്നത്? അല്ലാതെ ഉപകാരമുള്ള മറ്റൊരു രാഷ്ട്രീയവും തങ്ങൾക്കാവില്ല എന്നും?