ആരും ഓർക്കുമെന്ന് ഒരുറപ്പുമില്ലാതെ പോലും.

ഓർമ്മിക്കപ്പെടാൻ തന്നെ 

ഓരോരുത്തരും ആഗ്രഹിച്ചുപോകുന്നു. 

പക്ഷേ ആരെങ്കിലും 

എപ്പോഴെങ്കിലും എവിടെയെങ്കിലും 

ഓർമ്മിച്ചത് കൊണ്ടെന്ത് കാര്യം? 

ഒരു കാര്യവുമില്ല. 

എന്നിട്ടും 

ഓർമ്മിക്കപ്പെടാൻ വേണ്ടി മാത്രം തന്നെ

ജീവിതം അഭിനയിച്ചു തീർക്കുന്നു. 

ആരും ഓർക്കുമെന്ന് 

ഒരുറപ്പുമില്ലാതെ പോലും.

*****

പേറ്റുപായയിൽ നിന്നും 

കുഴിമാടം വരെയുള്ള 

ഏത് വഴിയിലെ നിൻ്റെ

ഏത് രൂപവും ഭാവവും 

ആരോർക്കാൻ?

ആരും ആരേയും ഓർക്കുന്നില്ല.

ജീവിതം ജീവിതത്തിന് വേണ്ടി

ആവശ്യപ്പെടുനനത് മാത്രമല്ലാതെ.