ഉപ്പും പുളിയും എരിവും മധുരവും ഒന്നുമല്ലാത്ത ഒരു രുചിയുണ്ട്.

ഉപ്പും പുളിയും

എരിവും മധുരവും

ഒന്നുമല്ലാത്ത, 

രുചി തന്നെയുമല്ലാത്ത 

ഒരു രുചിയുണ്ട്. 

ആ രുചിയാണ് മനുഷ്യൻ 

എറ്റവും ആഗ്രഹിക്കുന്ന 

രുചി. 

പ്രണയിക്കുമ്പോൾ 

ശാരീരികമായിത്തന്നെയും 

കൊതിക്കുന്ന രുചി. 

ചുണ്ടിലും മാറിടത്തിലും 

ശരീരവടിവുകളിലും 

തേടിയും അന്വേഷിച്ചും 

തൊട്ടും തലോടിയും ഉരുമ്മിയും 

കിട്ടാനാഗ്രഹിക്കുന്ന 

രുചി.

ഉപ്പും പുളിയും

എരിവും മധുരവും

ഒന്നുമല്ലാത്ത, 

രുചി തന്നെയുമല്ലാത്ത 

രുചി.

*****