വിവാഹം ലൈംഗികതയെ കത്തിച്ചു കരിച്ചുകളയാനാണ്.

നിർബന്ധമായും ചെയ്യേണ്ടത് 

ചെയ്യാതിരിക്കാൻ 

നിസ്സാരമായ കാരണങ്ങൾ പറയും. 

വീട് കത്തുമ്പോൾ അണക്കില്ല, 

പകരം അണക്കാൻ ഉപയോഗിക്കുന്ന 

വെള്ളത്തിൻ്റെ വൃത്തികേടിനെ കുറിച്ച് 

വാചാലരാവും.

****

അവനവൻ്റെ മനോസുഖത്തിനും ശരീരസുഖത്തിനും വേണ്ടി നടത്തുന്ന ത്യാഗം. ജീവിതം. 

ജീവിതം ത്യജിച്ച് ജീവിതം നേടാനുള്ള ശ്രമം ജീവിതം.

*****

ഒരു സ്ത്രീശരീരം, 

അല്ലെങ്കിൽ ഒരു പുരുഷശരീരം 

വേണം. 

മഹാഭൂരിപക്ഷവും 

പ്രണയിക്കുന്നതങ്ങിനെ. 

വിവാഹം ചെയ്യുന്നതും 

അതുകൊണ്ട്. 

പക്ഷെ, 

രണ്ട് ശരീരങ്ങൾ മാത്രമായി, 

വെറും ശരീരം കൊണ്ട് മാത്രം 

ഏത്ര കാലം?

*****

ലിംഗവും യോനിയും കൊണ്ട് മാത്രം, 

ലിംഗവും യോനിയും ആയുധമാക്കി മാത്രം, 

ലിംഗത്തിനും യോനിക്കും വേണ്ടി മാത്രം, 

ശരീരസൗന്ദര്യം കൊണ്ട് മാത്രം, 

കുടുംബജീവിതം മുന്നോട്ട് പോകില്ല, 

വിജയിപ്പിക്കാൻ സാധിക്കില്ല.

*****

വിവാഹം ലൈംഗികതയെ കത്തിച്ച് വളർത്തി വലുതാക്കാനല്ല. 

പകരം കത്തിച്ചു കരിച്ചു കളയാനാണ്. 

എന്തും സ്വന്തമായി സ്ഥിരമാകുമ്പോൾ ഇത്രയേ ഉള്ളൂ എന്നറിഞ്ഞ് കത്തിക്കരിഞ്ഞും പോകും.