എന്താണ് യാത്ര? ആ നിലക്ക് പുനര്‍ജ്ജന്മമുണ്ട്.

എന്താണ് യാത്ര? 

ഇവിടെ വിട്ട്, 

ഇവിടെയുള്ള നമ്മൾ ഇല്ലാതായി,

നമ്മളെ നമ്മളാക്കുന്ന 

എല്ലാം ഇല്ലാതായി, 

എവിടെയെന്നില്ലാതെ 

എവിടെയൊക്കെയോ 

ആരൊക്കെയോ ആയി 

എത്തുന്നതിൻ്റെ പേരാണ് യാത്ര. 

അല്ലാതെ, 

ഇവിടെ നിന്നും 

ഇതേ നമ്മൾ പുറപ്പെട്ട് 

ഇതേ നമ്മൾ 

അവിടെ എത്തുന്നതിൻ്റെയും 

ഇതേ നമ്മൾ 

അവിടെ നിന്നും 

തിരിച്ചു വരുന്നതിൻ്റെയും 

പേരല്ല യത്ര. 

*****

ആ നിലക്ക്

പുനര്‍ജ്ജന്മമുണ്ടോ?

ആ നിലക്ക് 

പുനര്‍ജ്ജന്മമുണ്ട്.

'എങ്ങിനെ?' 

'നീയില്ലാതായുള്ള,  

നീയല്ലാതായുള്ള 

സകലതിൻ്റേയും നില്പ്, 

നിലനിൽപ്പ്.'