ഗുരോ ആരാണ് കപടൻ?

ഗുരോ, ആരാണ് കപടൻ?
വിജയിക്കുമെന്നായാൽ കൂടെ
പരാജയപ്പെടുമ്പോഴും, പരാജയപ്പെടുത്താനും എതിരെ?
രണ്ടുമല്ലെങ്കിൽ തൊട്ടുതൊട്ടില്ല.

ആവശ്യത്തിൽ ഉപകരിക്കാത്തവൻ.

**********


മതം തെരഞ്ഞെടുക്കപ്പെടേണം; 

കുട്ടികളിൽ ശീലമാക്കുകയും അടിച്ചേല്പിക്കുകയും അല്ല.

**********

നാലര വയ സ്സ്കാരൻ ഉമ്മയോട്:

"സ്വർഗത്തിൽ ബുഗാറ്റി കാറും ഐസ്ക്രീമും ചങ്ങായിമാരും ഉണ്ടാവുമോ?"

മതം എവിടെ കയറിപ്പിടിച്ചു എന്ന് നോക്കൂ.

**********

മരണവും മരണാനന്തരവും പറഞ്ഞു പേടിപ്പിക്കുകയും കൊതിപ്പിക്കയും ചെയ്യുന്നില്ലെങ്കിൽ മതങ്ങൾ ക്ലച്ച് പിടിക്കില്ല.

********

ഗുരോ ആരാണ് കപടൻ?

നിലപാടുകൾക്ക് വേണ്ടി നിലകൊള്ളാത്തവൻ.

********

മതനിരപേക്ഷതയെന്നാൽ മതങ്ങളെ സുഖിപ്പിച്ചു വളർത്താനുള്ള ലൈസൻസ് അല്ല.

*********

എല്ലാവരെയും എന്നല്ല ആരെയും സംതൃപ്തിപ്പെടുത്താൻ പറ്റില്ല.  

അത് kontanu ബുദ്ധനും മുഹമ്മദിനും നാട് വിടേണ്ടി വന്നത്.

******

ഗുരോ ആരാണ് കപടൻ?

നേട്ടങ്ങൾക്കു വേണ്ടി മാത്രം നിലകൊളളുന്നവൻ. 

നഷ്ടപ്പെടാൻ തയാറില്ലാത്തവൻ.

*****

ഗുരോ ആരാണ് കപടൻ?

സ്ഥാനങ്ങൾക്കു വേണ്ടി ഏതു കമ്മറ്റിയിലും മെമ്പർ ആവുന്നവൻ.

ഗുരോ ആരാണ് കപടൻ?

അധികാരി വർഗത്തോട് രാജിയാവുന്നവൻ. 

അധികാരമില്ലാത്തവനിൽ നൂറു കുറ്റം കണ്ടെത്തുന്നവൻ.

******

ആരാണ് കളവു പറയുന്നവർ? 

വിശ്വാസി അറിയാതെ ഉണ്ടെന്നു സാക്ഷ്യം പറയുന്നു. 

അവിശ്വാസി  അറിയാത്തത്  അറിയില്ലെന്ന് പറയുന്നു.

*******

മാർക്കറ്റിംഗ് ആവശ്യപ്പെടുന്ന ദൈവം.

ഡിസ്‌കൗണ്ട് വെച്ച ഒരു മാസവും. 

ചിരി വരുന്നു.

********

ഗുരോ ആരാണ് കപടൻ?
അറിവിനേയും ചിന്തയെയും ബോദ്ധ്യതയേയും
ആൾക്കൂട്ടത്തിനും അധികാരികൾക്കും മുൻപിൽ

രാജിയാക്കുന്നവൻ.