ജീവിതമാണ് ആത്മാവ്. ജീവിക്കുന്നതിലാണ് ആത്മീയത. ജീവിച്ചാൽ ഉണ്ടാവുന്നതാണ് പുണ്യവും പൂജയും ധർമവും.

ചില വൻടീമുകളും ചില വൻമതങ്ങൾ പോലെയാണ്. 

വെറുതെ കുറെ ആളുകളെ കിട്ടും. ഒന്നും തിരിയാതെ.

***********

ചില മതങ്ങളെക്കാൾ വലിയ ഫാസിസം ഉണ്ടോ?

കുട്ടികളിൽ അടിച്ചേല്പിച്ചല്ലേ അവർ ഫാസിസം തുടങ്ങുന്നത്?

***************

വാക്കുകൾ പിഴക്കാം. പിഴച്ചെന്നറിഞ്ഞാൽ 

തിരുത്താം, തിരുത്തണം.എന്നാലും 

ബെൽജിയം തന്നെ കൊണ്ടുപോകില്ലേ?

കളി തന്നെയാണ് കാര്യമെങ്കിൽ.

******** 

ജനിക്കുന്നതും പുനർജനിക്കുന്നതും ജീവിതം. 

ജീവിതത്തിന്റെ ഞാനല്ലേ ഉള്ളൂ?

എന്റെ ജീവിതം ഇല്ല.

********

പറയുന്നത് തങ്ങൾക്കു വേണ്ടിയാണേൽ 

നല്ലവൻ; ആളാവാനല്ല പറയുന്നത്.

പറയുന്നത് തങ്ങൾക്കെതിരാണെങ്കിൽ, 

ശരിയല്ല. ആളാവാൻ പറയുന്നു. 

********

മൗനം സ്വർണമാണ് പോൽ.

അധികാരികളുടെയും 

സ്ഥാപിതമതക്കാരുടെയും ഭാഷ്യം.

പക്ഷെ അവർക്കെന്തും പറയണം. 

*********

സ്ഥായിയായ ഞാൻ ഉണ്ടോ? ഇല്ല.

പിന്നെ ആർക്കു പുനർജ്ജന്മം? 

എങ്ങിനെ പുനർജ്ജന്മം?

ബാക്കിയാവുന്നത് ദൈവം മാത്രം.

***********

തിട്ടൂരങ്ങൾ ഇറങ്ങട്ടെ.

മതഹിതമല്ലാത്തതു ബോറടിയെന്നു.

വായിക്കരുതെന്നും കേൾക്കരുതെന്നും.

നമുക്ക് ഇരുട്ട് കൊണ്ട് ഒറ്റയടക്കാം. 

**********

ജീവിതമാണ് ആത്മാവ്.

ജീവിക്കുന്നതിലാണ് ആത്മീയത.

ജീവിച്ചാൽ ഉണ്ടാവുന്നതാണ്

പുണ്യവും പൂജയും ധർമവും.

******** 

ശീലമായിക്കഴിഞ്ഞാൽ 

മതവും മദ്യവും ഒരു പോലെ.

ഒഴിവാക്കാനാവില്ല.

********

ആരാണ് മതവിശ്വാസി?

പിശാച്  വേണമെന്നും വിജയിക്കുന്നുവെന്നും,

ദൈവം പാരായജപ്പെടുന്നുവെന്നും 

കരുതുന്നവൻ.