പരിഹാരമായി വരും. പ്രശ്നമായിത്തീരും. അതാണ് ഇന്ത്യന്‍രാഷ്ട്രീയവും പാര്‍ട്ടികളും നേതാക്കളും.

(പുരുഷന്) പുരുഷലൈംഗീകത 

ഉള്ളി പൊളിക്കും പോലെ. 

ഉള്ളിലുണ്ടെന്ന് വിചാരിച്ചതൊന്നും  

ഉള്ളിലില്ലെന്നറിഞ്ഞ് 

ക്ഷീണിക്കുന്ന അനുഭവം.

*******

പരിഹാരമായി വരും.

പ്രശ്നമായിത്തീരും. 

അതാണ് ഇന്ത്യന്‍രാഷ്ട്രീയവും 

പാര്‍ട്ടികളും നേതാക്കളും. 

ചികിത്സ രോഗമാവും, 

മരുന്ന് രോഗമുണ്ടാക്കും.

*********

കെട്ടിക്കുടുക്കിയാലെ 

പൗരോഹിത്യത്തിനും നേതാക്കള്‍ക്കും 

ഉപജീവനം നടക്കൂ.

അത്‌

രാജ്യമായാലും മതമായാലും ജനാധിപത്യമായാലും.

*******

ദൈവം ആരുടെയും ഒന്നിന്റെയും 

തടവിലല്ല എന്ന് പറയുന്നതിന്റെ പേരില്‍ 

നരകത്തിലിടുകയാണെങ്കിൽ 

ആ നരകത്തില്‍ 

ഈയുള്ളവന്‍ സ്വര്‍ഗം കണ്ടെത്തും.

*********

ജനാധിപത്യം വിജയിക്കില്ല. 

രാജ്യത്തിന്റെ വയറ്റില്‍ അള്ളിപ്പിടിച്ച 

കൊക്കൂണുകളും വിരകളുമായ 

രാഷ്ട്രീയപാര്‍ട്ടികളെ നീക്കം ചെയ്യാതെ.

*********