അറിഞ്ഞവര്‍ക്കറിയാം ഒന്നുമില്ലെന്ന്. അറിയാത്തവര്‍ക്കോ?

നേതാക്കൾക്ക് വെറും ലീലകള്‍. 

അണികള്‍ക്ക് യുദ്ധവും. 

യുദ്ധത്തില്‍ ചത്തുവീഴുന്നതെത്രയും 

നേതാക്കൾക്കും പാർട്ടികൾക്കും 

വളം, ഭക്ഷണം.

********

കോൺഗ്രസ്സ് എന്തെന്ന്, എന്തിനെന്ന് 

സ്വയം നിര്‍വ്വചിക്കാതെ 

അത് ജനങ്ങളെ ബോധ്യപ്പെടുത്തി ആവേശപ്പെടുത്താതെ  

ഒരതിജീവനം കോണ്‍ഗ്രസ്സിനില്ല.

********

അനുകരണവും ഒളിച്ചോട്ടവും 

ഫാഷനും കൊണ്ട് 

സത്യസാക്ഷാത്കാരം നടക്കില്ല.

അറിയായ്കയും അസൂയയും 

നിസ്സഹായതയും പേടിയും ആവരുത്

ആശയവും ആദർശവും.

********

ഗുരോ, എന്താണ്‌ പ്രണയം?

"ജീവിതത്തിന്റെ വിത്ത് 

വിതരണം ചെയ്യാനും സ്വീകരിക്കാനും വേണ്ടി 

ജീവിതംതന്നെ ഉണ്ടാക്കുന്ന, നടത്തുന്ന 

പാരവശ്യം.”

********

അറിഞ്ഞവര്‍ക്കറിയാം 

ഒന്നുമില്ലെന്ന്.  

അറിയാത്തവര്‍ക്കോ? 

എന്തൊക്കെയോ ഉണ്ടെന്നും 

ബാക്കിയുണ്ടെന്നും 

എപ്പോഴും തോന്നിക്കൊണ്ടേയിരിക്കും.