സ്വാതന്ത്ര്യം കിട്ടിയാല്‍ 

എല്ലാവരും ആവുക അലസന്‍മാര്‍. 

തെരഞ്ഞെടുക്കുക ആലസ്യം. 

കളിചിരിയുടെ ആലസ്യം, അലസത.

********

ദുരിതാശ്വാസഫണ്ടില്‍വരെ 

കൈയിട്ട് വാരുന്ന, സ്വജനപക്ഷപാതം കാണിക്കുന്ന 

രാഷ്ട്രീയനേതൃത്വവും പാപ്പരത്തവും മാത്രമേ 

ഇന്നിതുവരെ നമുക്കുള്ളൂ.

********

സ്വന്തംകാര്യം സിന്ദാബാദാക്കിയ 

പാര്‍ട്ടികളും നേതാക്കളും 

സുരക്ഷിതകേരളത്തെ 

അരക്ഷിതമാക്കി. 

ദീര്‍ഘവീക്ഷണം തൊട്ടുതീണ്ടാതെ 

നരകമാക്കി.

********

കാലവർഷക്കെടുതി.

ജീവിതം കൊണ്ടുള്ള 

ജീവിതത്തിന്റെ  ഗുണനം, ഹരണം,

കൂട്ടൽ, കിഴിക്കൽ. കലാകാലമങ്ങനെ.

റിപ്പോർട്ട് ചെയ്യപ്പെട്ടാലുമില്ലേലും.

*******

പെരുമഴ. 

നന്മ തന്നെ തിന്മയും 

ദൈവം തന്നെ പിശാചുമാവുന്ന 

പെരുമഴ. 

പ്രാർത്ഥനകൊണ്ട്‌ കിട്ടാതിരുന്നത് 

പ്രാർത്ഥന കൊണ്ട്‌ നില്‍ക്കുന്നുമില്ല.