ഭംഗിവാക്ക് പറയാം. കാലപ്നികതക്ക് വേണ്ടി.

സാക്ഷിയാവുക, 

സാക്ഷിയായി ജീവിക്കുക 

എന്നൊക്കെ ഭംഗിവാക്ക് പറയാം. കാലപ്നികതക്ക് വേണ്ടി. 

പക്ഷേ, 

എന്തിന് സാക്ഷിയാവാൻ? 

ആര് സാക്ഷിയാവാൻ? 

സാക്ഷിയാവാനുള്ള, 

സ്ഥിരമായ 

ഞാനെവിടെ?

എന്തെങ്കിലുമെവിടെ? 

അങ്ങനെയൊരു ഞാനുണ്ടോ, 

എന്തെങ്കിലുമുണ്ടോ?

*******

സത്യം പകൽ പോലെ 

വ്യക്തമെന്ന് പറയും. 

എന്നിട്ടും 

സത്യത്തിന് സാക്ഷ്യം വഹിച്ചവർ 

വിരളം. എന്നല്ല ആരുമില്ല. 

പിന്നെങ്ങിനെ പറയാൻ സാധിക്കുന്നു 

സത്യം പകൽ പോലെ വ്യക്തമെന്ന്? 

താങ്കളും താങ്കളും 

എപ്പോഴെങ്കിലും സത്യത്തെ 

പകൽ പോലെ വ്യക്തമായി കണ്ടോ?

എങ്കിൽ പിന്നെ 

ഈ പറച്ചിലൊക്കെ 

വെറും വെറുതേ.