ഉമ്മാക്ക് പകരമായ ഉമ്മ. ചെറിയ വലിയ ഷരീഫ്ത്താത്ത.

ഒരേയൊരു ചില്ലയിൽ മാത്രമായി 

സ്വയമൊഴിഞ്ഞിരുന്ന പക്ഷി.

സർവ്വലോകത്തിനെതിരെയും 

സ്വയം പുതച്ചിരുന്ന പക്ഷി. 

ആരുമറിയാത്ത നേരത്ത് 

സ്വയമങ്ങ് ഒഴിഞ്ഞുപോയ പക്ഷി. 

ഫോട്ടോയിൽ ജീവിക്കാത്ത പക്ഷി. 

ഫോട്ടോയെ പേടിച്ച പക്ഷി. 

താൻ പോലുമില്ലെന്ന് 

ആദ്യമേ അറിഞ്ഞോ ആ പക്ഷി? 

ഉമ്മാക്ക് പകരമായ ഉമ്മ. 

ഷരീഫ്ത്താത്ത.

ചെറിയ വലിയ

ഷരീഫ്ത്താത്ത.

******

ചൊല്ലാനും ചൊല്ലിക്കൊടുക്കാനും നിൽക്കാതെ, 

കുടിക്കാനും കുടിപ്പിക്കാനുമില്ലാതെ,

ആരോരുമറിയാതെ 

ഒഴിഞ്ഞുപോയൊരു മരണം. 

ഷരീഫ്ത്താത്തയുടെ മരണം. 

ആഘോഷദിവസത്തിൽ 

മരണത്തെ തന്നെ 

ആഘോഷമാക്കിയ 

മരണം.