രാജ്യനിവാസികളെ സേവിക്കാനും സംരക്ഷിക്കാനുമല്ല;
പകരം പാർട്ടികളെയും നേതാക്കളെയും
സംരക്ഷിക്കാന്‍ രാജ്യം എന്നതാണ്
നമ്മുടെ രാഷ്ട്രീയം.
********
നമ്മളാരും വിശ്വസിക്കുന്നതും നടപ്പാക്കുന്നതും
ജനാധിപത്യമല്ല;
കട്ട്മുടിക്കാനുള്ള മത-ജാതി-കക്ഷി രാഷ്ട്രീയ
തെണ്ടിത്തരമാണ്.
********
ആപ്പ് സര്‍ക്കാര്‍ ഡെല്‍ഹിയില്‍ ചെയ്യുന്ന
ഒരുപാട്‌ കാര്യങ്ങള്‍ എന്ത്കൊണ്ട്‌
മറ്റ് സംസ്ഥാന സര്‍ക്കാറുകള്‍ക്ക്
ചെയ്യാന്‍കഴിയുന്നില്ല?
********
അണലിയേയും മൂര്‍ഖനെയും സംരക്ഷിക്കണം.
പക്ഷേ, അവ വിഷമില്ലാത്തതും
അപകടകാരികളല്ലാത്തതുമെന്ന്
വിശ്വസിക്കാന്‍ നിര്‍ബന്ധിക്കരുത്.
*********
എല്ലാ പാർട്ടികള്‍ക്കും രാജ്യം ഭരിക്കണം.
പക്ഷേ, ഒരു പാർട്ടിക്കും വിവരാവകാശനിയമത്തിന് കീഴില്‍ വരാൻ താല്പര്യമില്ല.
ജനങ്ങളെ ഭരിക്കാന്‍ വരുന്ന പാർട്ടിയെ കുറിച്ച് ജനങ്ങൾ ഒന്നും അറിയരുത് അറിയാന്‍ പാടില്ല.
എങ്ങിനെയുണ്ട് കുറുക്കന്‍ കുറുക്കനെ സംരക്ഷിക്കുന്ന രീതി?
പേര്‌ ജനാധിപത്യം.
******
കഠിനാധ്വാനം എന്ന് നാം പേരിട്ട് വിളിക്കുന്ന
വിധേയത്വവും അഭിനയശേഷിയുമാണ്
ഓരോരുവന്റെയും തസ്തികയിലെ
ഉയര്‍ച്ചയുടെ അടിസ്ഥാനം.
***********
ഇന്ത്യയോടൊപ്പം
ഇന്ത്യക്ക് വേണ്ടി നിലകൊള്ളണം.
വികാരങ്ങളും വിശ്വാസങ്ങളും
അതിലെ വ്യത്യാസങ്ങളും
ഇന്ത്യക്ക് വേണ്ടി ഇല്ലാതാവണം.
വലിയ ഇന്ത്യക്ക് വേണ്ടി
അവയും നമ്മളും ചെറുതാവണം.
********
എല്ലാ പാര്‍ട്ടികളും ഭരണാധികാരികളും
ഒരേ കലത്തിലെ ചോറ്‌.
പാവങ്ങളുടെ ചിലവില്‍ ആര്‍ഭാടം നടത്തുന്നു.
ജനങ്ങൾക്കില്ലാത്ത സുഭിക്ഷത നേടുന്നു
********
ഒരാൾ തന്നെ
എംഎല്‍എയും എംപിയും മന്ത്രിയും ഗവര്‍ണറും
ഒക്കെയായി കുറേ പെന്‍ഷനുകള്‍
ഒരുമിച്ച് വാങ്ങുന്ന സമ്പ്രദായം നിര്‍ത്തണം.
********
മാവോയിസ്റ്റ്കള്‍ ശരിയല്ല.
പക്ഷേ ചോദ്യവും ഉത്തരവുമില്ലാത്ത പിണറായിയോ?
ലാവ്ലിനാണോ അധികാരമാണോ
പിണറായിയെ ഇവ്വിധം ബന്ദിയാക്കുന്നത്?
*******
വെറും അഞ്ച് വര്‍ഷം
എംഎല്‍എയോ എംപിയോ മന്ത്രിയോ ആയാല്‍
ജീവിതകാലം മുഴുവന്‍ പെന്‍ഷന്‍
എന്ന സമ്പ്രദായം തന്നെ നിര്‍ത്തണം.
.jpg)
No comments:
Post a Comment