ലോകം നിലനിൽക്കണമെന്ന്, നന്നാവണമെന്ന് ആർക്ക് നിർബന്ധം?

ലോകം നിലനിൽക്കണമെന്ന്, 

ലോകം നന്നാവണമെന്ന് 

ആർക്ക് നിർബന്ധം? 

തൻ്റെ സ്വപ്നങ്ങൾ 

സാക്ഷാൽക്കാരിക്കാൻ ഈ ലോകം 

വേണം, നന്നാവണം, 

ബാക്കിയാവണം. 

അത്രമാത്രം.

*****

ബുദ്ധനും യേശുവും തോൽക്കും. 

മോഡിയും ഒബാമയും തോൽക്കും. 

കുഞ്ഞുകുട്ടിയുടെ മുൻപിൽ. 

എത്ര പറഞ്ഞാലും 

തിന്നാത്ത ഉറങ്ങാത്ത 

കുട്ടിയുടെ മുൻപിൽ. 

രോഗം ക്ഷീണിപ്പിച്ച് 

കരഞ്ഞ് മാത്രം കഴിയുന്ന 

കുട്ടിയുടെ മുൻപിൽ.

കുട്ടിക്കും നിർബന്ധം 

തൻ്റെ സന്തോഷമാണ്.

തൻ്റെ സന്തോഷകരമായ 

നിലനിൽപ്പ് മാത്രം.

ചുറ്റുപാടുമുള്ള ലോകം

എന്തായാലും ശരി.

*****

അറിവില്ലാതെ തന്നെയല്ലേ 

എല്ലാ വിശ്വാസികളും അവിശ്വാസികളും?

അറിവില്ലാതെയുള്ള 

വിശ്വാസത്തിൻ്റെ മാത്രം പേരിലുള്ള 

ഹുങ്കും വാശിയും 

സ്വർഗ്ഗ-നരകം വെച്ചുള്ള 

തീവ്രതയും മാത്രം.

****

റബ്ബ് എന്നാൽ പരിണമിപ്പിച്ച് പോറ്റി വളർത്തുന്നവൻ. 

ആ റബ്ബ് എല്ലാവരുടെയും റബ്ബ്. 

ആ റബ്ബ് എല്ലാത്തിൻ്റെയും എല്ലാ കാലത്തേയും റബ്ബ്. 

ആ റബ്ബ് ഇസ്ലാമിൻ്റെ മാത്രം റബ്ബല്ല. 

ആ റബ്ബിനെ അങനെ ഇസ്ലാമിൻ്റെ മാത്രം ഉടമസ്ഥനായി ചുരുക്കുന്നതാണ് പ്രശ്നം.