ചെയ്യേണ്ട ഒരു ചെറിയ കാര്യം പോലും ചെയ്യാതിരിക്കുക.

ഒരു വിഡ്ഡിയോട് നിങ്ങൾക്ക് 

ഒരിക്കലും പറയാൻ സാധിക്കാത്ത കാരൃം.

അയാൾ വിഡ്ഢിയാണെന്ന് .

ഒരു വിഡ്ഢി 

ഒരിക്കലും മനസ്സിലാക്കാത്ത കാരൃം.

അയാൾ വിഡ്ഢിയാണെന്ന്.

ഒരു വിഡ്ഢി 

വലിയ അബദ്ധം ചെയ്ത് കൊണ്ടും 

കാര്യമായി വിചാരിക്കുന്നത്.

താൻ വിജയിച്ചിരിക്കുന്നു.

താൻ എന്തോ വലിയ 

ബുദ്ധിയുള്ള കാരൃം

ചെയ്തിരിക്കുന്നു.

എല്ലാവരും തൻ്റെ മുന്പിൽ 

തോറ്റിരിക്കുന്നു . 

അയാൾ 

ഇനിയും ഉണ്ടാക്കിയേക്കാവുന്ന 

നാശം ഭയന്ന്,

അയാളുടെ ബുദ്ധിഹീനമായ 

വീണ്ടുവിചാരമില്ലാത്ത 

എടുത്തുചാട്ടവും കോപവും

ഒഴിവാക്കാൻ

ആരും മിണ്ടാതിരിക്കുന്നത്,

ഒഴിഞ്ഞുമാറുന്നത്

അയാൾ അയാളുടെ 

വൻവിജയമായി കണക്കാക്കുന്നു.

അങ്ങനെ അയാൾ 

വിഡ്ഢിത്തം

തുടർന്ന് കൊണ്ടേയിരിക്കും. 

അവനവനെ തന്നെ 

കുഴിയിൽ വീഴ്ത്തുന്ന 

വിഡ്ഢിത്തങ്ങൾ 

*****

ചെയ്യേണ്ടതും ചെയ്യാവുന്നതുമായ ഒരു ചെറിയ കാര്യം പോലും  ചെയ്യാതിരിക്കുക. 

അങ്ങനെ സ്വയം ചെയ്യേണ്ട, ചെയ്യാവുന്ന കാര്യം ചെയ്യാത്തത് മനസ്സിലാക്കാതിരിക്കുക. 

ആരെങ്കിലും അങ്ങനെ സ്വയം ചെയ്യേണ്ടതും ചെയ്യാവുന്നതും മനസ്സിലാക്കിത്തരാൻ ശ്രമിച്ചാലോ? 

കോപം കാണിച്ച്, വികാര വിക്ഷുബ്ദത കൊണ്ട് മനസ്സിലാക്കിത്തരുന്നവരെ കീഴ്പ്പെടുത്തുക. 

ഭീഷണിയുടെ മുൾമുനയിൽ ചുറ്റുപാടിനെ മുഴുവൻ നിർത്തുക. 

അങ്ങനെ അത്തരം തെറ്റുകളെ ന്യായീകരിച്ചെന്ന് തോന്നിപ്പിക്കുക. 

ആ വഴിയിൽ യഥാർഥത്തിൽ ചെയ്യേണ്ട, ചെയ്യാവുന്ന കാര്യങ്ങളിൽ നിന്നും, അവയൊന്നും ചെയ്യാതെ തന്നെ, ഒളിച്ചോടുക. 

എന്നിട്ടോ?

സ്വയം കണ്ണടച്ച് തനിക്കനുകൂലമായി മാത്രം ചിന്തിച്ച് അനുഭവിച്ച് ജീവിക്കുക.

തനിക്കനുകൂലമായ കളവും ചില സത്യങ്ങളും മറ്റുള്ളവരുടെ മേൽ കുറ്റം ചാർത്തുന്ന വിധം മാത്രം പറയുക.

തനിക്കെതിരേ വരുന്ന കുറേ സത്യങ്ങൾ മറച്ചുപിടിക്കുക. 

ആർക്കും ഒന്നും മനസ്സിലാവുന്നില്ല എന്ന് സ്വയമങ്ങു ധരിച്ചുകൊണ്ട്.

എന്നാലോ?

തനിക്ക് വേണ്ടി മറ്റുള്ളവർ ഔദാര്യമായി ചെയ്യേണ്ടത് വരെ അവകാശമാക്കി ആവശ്യപ്പെടുക. ഏറെക്കുറെ ഭീഷണിയും കോപവും ആയുധമാക്കിക്കൊണ്ട്. 

മറ്റുളളവർ നമുക്ക് വേണ്ടി ചെയ്യുന്ന ഔദാര്യം ബാധ്യത പോലെയാക്കി അവതരിപ്പിച്ച്, അവരവ ചെയ്യാത്തത് വലിയ തെറ്റുകളായി അവതരിപ്പിക്കുക.

ഇങ്ങനെയൊക്കെയുള്ള മനസ്സുണ്ടല്ലോ?

അതാണ് ഉത്തരവാദിത്തബോധമില്ലാത്ത രോഗം ബാധിച്ച മനസ്സ്. 

സ്വന്തം കുറ്റം മനസ്സിലാവാത്ത, 

സ്വന്തം തെറ്റുകൾ അംഗീകരിക്കാത്ത, 

സ്വന്തം തെറ്റുകുറ്റങ്ങൾ  തിരുത്താത്ത, 

മറ്റുള്ളവരുടെ കുറ്റങ്ങൾ മാത്രം 

എണ്ണിയെണ്ണിപ്പറഞ്ഞ് ചൂടാവുന്ന, 

അകലാനുള്ള നൂറ് ന്യായങ്ങളും കാരണങ്ങളും ഉണ്ടാക്കുന്ന, 

അടുക്കാനുള്ള  നൂറ് ന്യായങ്ങളും കാരണങ്ങളും 

അവഗണിച്ച് ഇല്ലെന്ന് വരുത്തുന്ന, 

അതിലൂടെ ഉത്തരവാദിത്തങ്ങളിൽ നിന്നും 

ഒളിച്ചോടുന്ന മനസ്സ്. 

എന്ത് പറയാൻ...