പ്രശ്നം ഇല്ലെന്ന് വരുത്താനാണ് നാം ഏറെയും ശ്രമിക്കുന്നത്.

പ്രശ്നം ഇല്ലെന്ന് വരുത്താനാണ് നിങൾ ഏറെയും ശ്രമിക്കുന്നത്. 

മറ്റുള്ളവർ എന്ത് വിചാരിക്കും എന്ന് കരുതി മാത്രം ഏറെക്കുറെ സ്വാഭാവികമായി ജീവിക്കാതെ, മരിച്ച് ജീവിച്ച്, കൃത്രിമമായി ജീവിക്കുന്നവരായത് കൊണ്ട് പ്രത്യേകിച്ചും.

കണ്ണടച്ചും, ഇരുട്ട് കൊണ്ട് ഓട്ടയടച്ചും നിങൾ പ്രശ്നം ഇല്ലെന്ന് വരുത്തുന്നു.

പ്രശ്നം ഇല്ലെന്ന് വരുത്തി, യഥാർഥത്തിൽ പ്രശ്നം നൽകുന്ന വെല്ലുവിളികളിൽ നിന്നും നിങൾ ഒളിച്ചോടുന്നു.

പ്രശ്നം ഉണ്ടെന്ന് മനസ്സിലാക്കി, പ്രശ്നം എങ്ങിനെയോ അങ്ങനെ നേരിട്ട് പരിഹരിക്കാതെ.

പ്രത്യേകിച്ചും കുട്ടികളുമായും കുട്ടികളുടെ മാനസിക വളർച്ചയുമായും ബന്ധപ്പെട്ട വിഷയങ്ങളിൽ.

അവരുടെ മനസ്സിൻ്റെ വളർച്ചയും തളർച്ചയുമായി ബന്ധപ്പെട്ട വിഷയങ്ങളിൽ.

*****

നിങൾ കണ്ണടച്ചത് കൊണ്ട് മാത്രം പ്രശനം ഇല്ലാതാവില്ല.

നിങൾ കണ്ണടച്ചത് കൊണ്ട് മാത്രം പ്രശനം ഇല്ലാത്തതാവില്ല. 

*****

കുട്ടികൾ പലരും എങ്ങിനെയൊക്കെയോ വളരുന്നുണ്ടാവും. 

കാട്ടിലെ മരം പോലെ.

അറിയാമല്ലോ, പക്ഷേ സാമൂഹ്യമനുഷ്യൻ്റെ ജീവിതം കൃത്രിമമാണ്. 

കൃത്രിമമായ ശ്രദ്ധയും ഒരുക്കവും വേണ്ടതാണ് അവൻ്റെ ജീവിതം.

അതിനാൽ തന്നെ, കൃത്രിമം എന്ന് തോന്നുന്ന നിങ്ങളുടെ കൃത്യമായ ശ്രദ്ധയും പിന്തുണയും വേണം നിങ്ങളുടെയും നിങ്ങളുടെ കുട്ടികളുടെയും ജീവിതത്തിന്.

അത്തരം ശ്രദ്ധയും പിന്തുണയും ഇല്ലാതെ തന്നെ ഒരുകുറേ പേർ എങ്ങിനെയൊക്കെയോ അതിജീവിച്ചു പോകുന്നുണ്ടാവും. ശരിയാണ്.

പക്ഷേ, ചിലരെങ്കിലും, ദുർബലമായ മനസ്സുള്ള ചിലരെങ്കിലും, പ്രതിരോധശക്തി ഇല്ലാത്ത ദുർബലരായ ചിലരെങ്കിലും, നിങ്ങളുടെ ഈ അശ്രദ്ധ കൊണ്ട്, കൃത്രിമമായ ശ്രദ്ധയും കരുതലും ഇല്ലാതെ, വല്ലാത്ത വെയിലേറ്റ്  കരിഞ്ഞുണങ്ങിപ്പോകുന്നുണ്ട്.

*****

ഉണ്ടെങ്കിൽ, പ്രശ്നം ഉണ്ടെന്ന് തന്നെ മനസ്സിലാക്കണം.

പ്രശ്നങ്ങൾ ഉണ്ടെന്നംഗീകരിച്ച് തന്നെ, പ്രശ്നങ്ങൾ എങ്ങനെയാണോ അങ്ങനെ തന്നെയെടുത്ത് നേരിടണം. 

പ്രശ്നങ്ങളെ നേരിട്ട്, വേണ്ടത് വേണ്ട സമയം ചെയ്യണം. 

പ്രശ്നങ്ങളെ നേരിട്ട് തന്നെയാണ് മനസ്സിൻ്റെയും ശരീത്തിൻ്റെയും പേശികൾക്ക് ബലം കൂടുന്നത്. 

ഒരു പ്രശ്നവും പ്രയാസവും ഇല്ലെങ്കിൽ, നിങൾ കൃത്രിമമായി പ്രശ്നവും പ്രയാസവും ഉണ്ടാക്കി എക്സർസൈസ് എന്ന ഓമനപ്പേരിൽ കൃത്രിമമായി പേശികൾക്ക് ശക്തിയും ബലവും കൂട്ടുന്നില്ലേ? അതുപോലെ തന്നെ. 

അല്ലെങ്കിൽ വേരിൽ നിന്ന് പ്രശ്നം പരിഹരിക്കാനുള്ള അവസരം നിങ്ങൾക്ക് നഷ്ടമാവും, നാം നഷ്ടപ്പെടുത്തും.

നിങ്ങളുടെ ശ്രമങ്ങൾ മുഴുവൻ കതിരിലും കൊമ്പിലും വെള്ളവും വളവും ഒഴിക്കുന്നത് പോലെയാവും. 

വിത്ത് തീയിൽ വീണ് കരിഞ്ഞതിന് ശേഷം മണ്ണിലിട്ട് മുളപ്പിക്കാൻ ശ്രമിക്കുന്നത് പോലെയാവും.

*****

നിങൾ കാണുന്നില്ല, ശ്രദ്ധിക്കുന്നില്ല എന്നത് പ്രശ്നത്തെ ഇല്ലാതാക്കുന്നില്ല, ഇല്ലാത്തതാക്കുന്നില്ല

പകരം, നിങൾ അവഗണിച്ച് ഇല്ലാതാക്കി എന്ന് കരുതിയ പ്രശ്നം ഒരു വെല്ലുവിളിയും ഇല്ലാതെ, ആളില്ലാ പോസ്റ്റിൽ ഗോളടിച്ച് സ്വൈര്യമായി വളരുമെന്ന് മാത്രം. അതതിൻ്റെ  ജൈത്രയാത്ര ഒരുതരം പ്രതിരോധവും ഇല്ലാതെ നടത്തുമെന്ന് മാത്രം. 

ആരും കാണരുത്, അറിയരുത് എന്ന് മാത്രം വിചാരിച്ച് ശ്രദ്ധിക്കാതെ, ചികിത്സിക്കാതെ  പൊത്തിവെച്ച പൊട്ട് പിന്നീട് വല്ലാതെ പഴുത്ത് ഭീകരമായ, ദുർഗന്ധം വമിക്കുന്ന വ്രണമാകും. 

നിങൾ പുലിയുടെ മേൽ ഇരുന്ന് ചിരിക്കുന്നവരെ പോലെയാവും. വിജയിച്ചവരെ പോലെ ആഘോഷിക്കും.  

പക്ഷേ, തൻ്റെ ഇര തൻ്റെ മേൽ തന്നെ ഇരിക്കുന്നത് കണ്ട് പുലി ചിരിക്കുന്നത് കാണാതെ, അറിയാതെ.

നിങൾ ശരിക്കും വിഡ്ഢികൾ മാത്രമാവും.

*****

നിങൾ അങ്ങനെ കാണാത്തത് പോലെയും ഇല്ലാത്തത് പോലെയുമാക്കി അഭിനയിക്കുന്നത് കൊണ്ട് മാത്രം യഥാർഥത്തിലുള്ള പ്രശ്നം കൂടുതൽ ശക്തിയോടെ വളരുകയാണ്. 

നിങൾ അങ്ങനെ ആ പ്രശ്നത്തെ ശക്തിയോടെ വളർത്തുകയാണ്, വളരാൻ അനുവദിക്കുകയാണ്.

നിങൾ അറിയില്ലെന്ന് മാത്രം.

നിങൾ മറ്റുള്ളവരെ അറിയിക്കുന്നില്ലെന്ന് മാത്രം. 

അഥവാ നിങൾ അറിയുന്നില്ലെന്നും,  മറ്റുള്ളവർ അതറിയുന്നില്ലെന്ന് നിങൾ വരുത്തുന്നു എന്നും മാത്രം.

*****

പ്രശ്നം വിത്ത് മുളച്ച് വലുതായി മരമാകുന്നത് പോലെ വലുതാകും. 

മാലോകർ മുഴുവൻ ശരിക്കും അറിയുംവിധം വളർന്ന് പന്തലിക്കുന്നത് വരെ. 

അങ്ങനെ സംഭവിക്കുമ്പോഴേക്ക് സംഗതി പൂർണമായും നിങ്ങൾക്ക് പരിഹരിക്കാനാവുന്ന അവസ്ഥയിൽ നിന്നും, നമ്മുടെയൊക്കെ പിടുത്തത്തിൽ നിന്നും പൂർണമായും പുറത്തായിട്ടുമുണ്ടാവുമെന്ന് മാത്രം.