മുഖം മറയ്ക്കുന്ന സമൂഹം രോഗാതുരമായ സമൂഹം.

മുഖം മറയ്ക്കുന്ന സമൂഹം രോഗാതുരമായ സമൂഹം. 

കുറ്റബോധവും കളവും മാത്രം കൊണ്ടുനടക്കുന്നവരും മുഖം മറക്കും. 

കുറ്റവാളികളായ, കള്ളന്മാരായ, ആരും തങ്ങളെ തിരിച്ചറിയരുതെന്നും പിടികൂടരുതെന്നും നിർബന്ധമുള്ള കുറ്റവാളികളും കള്ളന്മാരും മുഖം മറക്കും. 

അല്ലാത്തവർക്ക് മുഴുവൻ, കാണുന്നവർക്ക് തിരിച്ചറിയാനുള്ള ഏക വഴിയാണ് മുഖം.

കൊറോണ സമയത്ത് എല്ലാവരും മുഖം മറച്ചില്ലേ എന്ന തർക്കമുറ്റ ചോദ്യം ചിലർ ചോദിക്കും.

"അതേ മറച്ചു" എന്ന് തന്നെയാണ് അവരോട് ഉത്തരം പറയാനുള്ളത്. 

അതുകൊണ്ട് തന്നെയാണ് മേൽപറഞ്ഞത് പോലെ പറഞ്ഞത്. 

മുഖം മറയ്ക്കുന്ന സമൂഹം രോഗാതുരമായ സമൂഹമാണെന്ന്. 

കൊറോണ സമയം രോഗാതുരമായ സമയമായിരുന്നുവെന്ന്.

കൊറോണ സമയത്ത് ലോകം മുഴുവൻ മുഖം മറച്ചത് രോഗവുമായി ബന്ധപ്പെട്ടാണ്; ആരോഗ്യവുമായി ബന്ധപ്പെട്ടല്ല. 

കൊറോണ സമയത്ത് മുഖം മറച്ചത് ആണും പെണ്ണും ഒരുമിച്ചാണ്. പെണ്ണ് മാത്രമല്ല. 

കൊറോണ സമയത്ത് എല്ലാവരും മുഖം മറച്ചത് അമ്പലവും പള്ളിയും കാശിയും വത്തിക്കാനും മക്കയും എല്ലാം പൂട്ടിയിപ്പോഴാണ്. 

പേടിച്ചു കൊണ്ട്. 

നിർബന്ധിതമായി.

******

കുട്ടികളെ നിർബന്ധിച്ച് ഹിജാബ് ധരിപ്പിക്കുന്നവരാണ് പൊതുവെ കൂടുതൽ. 

എന്നിട്ട് അതേ കുട്ടികളെ കൊണ്ട് ഇത് നമ്മുടെ  തിരഞ്ഞെടുപ്പ്, അവകാശം എന്ന് പറയിക്കുന്നവരും. 

നിർബന്ധിച്ച് ഹിജാബ് അഴിപ്പിക്കുന്നവർ ഇല്ല. 

നാം കൂടുതലും എതിർക്കുന്നത് മുഖം മറക്കുന്ന നിഖാബിനെയാണ്. 

സ്കൂൾ യൂണിഫോമിൽ ഹിജാബ് വരണമെന്ന് ആവശ്യപ്പെടുന്നതും.

*****

കുഞ്ഞുകുട്ടികളുടെ കാര്യത്തിൽ 

ചോയിസ് അല്ലല്ലോ 

മതവും മതാചാരങ്ങളും?

എങ്കിൽ, 

കുഞ്ഞുകുഞ്ഞുകുട്ടികൾ പഠിക്കുന്ന 

pre University സ്കൂളുകളിൽ 

എന്തിന് ഹിജാബ്? 

മുതിർന്നവർ പഠിക്കുന്ന കോളേജുകളിൽ അല്ലല്ലോ ഹിജാബ് തടയുന്നത്? 

അവിടെ അനുവദിക്കുന്നുണ്ട്. 

കുഞ്ഞുകുഞ്ഞുകുട്ടികളെ നിർബന്ധിച്ച് 

ഹിജാബ് ധരിപ്പിക്കുന്നതും ശരിയല്ലല്ലോ?

******

വിരോധാഭാസം: 

മതേതര പാർട്ടികൾ ചെയ്യേണ്ട പലതും 

ബിജെപി ചെയ്യുന്നു. 

ഏകീകൃത സിവിൽകോഡായാലും 

സ്കൂൾ ഹിജാബ് നിരോധനമായാലും. 

മതേതര പാർട്ടികൾ 

എന്തുകൊണ്ട് ചെയ്തില്ല. 

വോട്ട്ബാങ്ക് പേടിയും 

പ്രീണനവും.