മാറ്റാൻ സാധിക്കാത്തതും ആകയാൽ മാറ്റേണ്ടതും ഒരേയൊരു കാര്യം.

മാറ്റാൻ സാധിക്കാത്തതും 

എന്നാൽ ആകയാൽ മാറ്റേണ്ടതും 

ഒരേയൊരു കാര്യം. 

Attitude എന്ന സമീപനം.

ബാക്കി 

നൂറായിരം കാര്യങ്ങളൊക്കെയുണ്ട് 

പക്ഷേ അവയൊക്കെയും 

ഈ ഒരേയൊരു സംഗതി കൊണ്ട്

മാത്രമുണ്ടാവുന്നത്.

ആകയാൽ മാറ്റേണ്ടതും 

ഒരിക്കലും മാറ്റാൻ സാധിക്കാത്തതും,

അതാണ് കാരണമെന്ന്

ആർക്കും മനസ്സിലാവാത്തതും

ഈ ഒരേയൊരു കാര്യം. 

Attitude എന്ന സമീപനം.

സകല പ്രശ്നങ്ങളുടെയും 

നാരായവേര്.

Attitude എന്ന സമീപനം.

തിരിഞ്ഞിരിക്കുന്നത് കൊണ്ട് 

കാഴ്ച്ച നഷ്ടപ്പെടുന്ന

Attitude എന്ന സമീപനം.

Attitude മാറ്റുന്നതോടെ,

Attitude മാറുന്നതോടെ 

എല്ലാം മാറും.

മോശം നല്ലതാവും

നല്ലത് മോശമാവും 

മണ്ണിനെ 

Attitude എന്ന വേര് താഴോട്ടയച്ച് 

പൂവാക്കാൻ സാധിക്കും.

പൂവിനെ 

കാലിനടിയിൽ ഞെരുക്കി 

ചളിയാക്കേണ്ടിവരില്ല.

മോശമെന്ന് തോന്നുന്നതൊക്കെയും

മോശമെന്നാവുന്നതും

മോശമാണെന്ന് വരുന്നതും 

Attitude എന്ന സമീപനത്തിലെ 

വ്യത്യാസം കൊണ്ട് മാത്രം.

Attitude ഉണ്ടാക്കുന്നതല്ലാത്ത 

ഒരു തെറ്റും കുറ്റവും 

നിന്നോട് എണ്ണിയെണ്ണിപ്പറയാനില്ല.

എണ്ണിയെണ്ണിപ്പറയാനാണെങ്കിൽ 

ഒരു നൂറായിരം ഉണ്ടാവും.

പക്ഷേ അവയോരോന്നും 

ഓരോന്നായി എടുത്തുപറയേണ്ടതും 

ഓരോന്നായിത്തന്നെ മാറ്റേണ്ടതുമല്ല.

അവക്കൊക്കെയും 

കാരണമായത് മാത്രം 

മാറ്റിയാൽ മതി.

കാരണം മാറിയാൽ

കാര്യം മാറും.

അതിനാൽ

Attitude മാത്രം മാറിയാൽ മതി.

Attitude മാത്രം മാറ്റിയാൽ മതി.

എങ്കിൽ, 

വേരിൽ വെള്ളവും വളവും 

ഒഴിക്കുന്നത് പോലെയായി.

എണ്ണിയെണ്ണിപ്പറഞ്ഞ് 

ഓരോന്നും മാറ്റാൻ ശ്രമിക്കുന്നത് 

കതിരിൽ വെള്ളവും വളവും 

ഒഴിക്കുന്നത് പോലെ മാത്രം.

ഉള്ള കതിരിൻ്റെയും

നാശം മാത്രം ഫലമാവും. 

നീ പോലുമറിയില്ല 

Attitude ഉണ്ടാക്കുന്നതാണ് 

ബാക്കിയുള്ള പ്രശ്നങ്ങളെന്ന്.

എന്ത് കിട്ടി എന്നിടത്തല്ല 

ജീവിതവും 

ജീവിതത്തിലെ കാര്യങ്ങളും.

കിട്ടിയതിനെ

എങ്ങിനെയെടുത്തു,

കിട്ടിയതിൽ നിന്നും 

എന്തെടുത്തു 

എന്നിടത്താണ് ജീവിതവും 

ജീവിതത്തിലെ കാര്യങ്ങളും.

കിട്ടുന്നത് പൂവ് ആവാം. 

പക്ഷേ, 

കാലിനടിയിൽ ഞെരുക്കി 

പൂവിനെ വൃത്തികേടാക്കാം.

കിട്ടുന്നത് ചളിയും മണ്ണുമാവാം. 

പക്ഷേ,

പോസിറ്റീവ് attitude 

എന്ന വേര് താഴോട്ടയച്ച് 

പൂവും പഴവും കണ്ടെത്താം.

Attitude മോശമാക്കി

നിനക്ക് യുദ്ധം ചെയ്യാം.

യുദ്ധത്തിൽ വേണമെങ്കിൽ

നീ ജയിക്കുകയും ചെയ്യും.

പക്ഷേ, ജീവിതത്തിൽ നീ

പരാജയപ്പെടും.

തൽകാലം നിൻ്റെ മനസ്സിന്

പ്രതികാരം ചെയ്ത് 

ദാഹം മാറ്റിയതായി തോന്നും.

ദീർഘ കാലത്തിൽ

കുറ്റബോധവും സംഘർഷവും

ഉത്തരംകിട്ടാത്ത 

ഒരുപാട് ചോദ്യങ്ങളും

വിങ്ങലും മാത്രം

അവശേഷിക്കും.

*****

താൻ രോഗിയാണെന്ന് മനസ്സിലാക്കാത്ത രോഗി, ചുറ്റുവട്ടം തന്നെ വല്ലാതെ ശ്രദ്ധിക്കുന്നതും പേടിക്കുന്നതും തൻ്റെ വിജയവും മഹത്വവുമെന്ന് കരുതും, അഹങ്കരിക്കും. 

അങ്ങനെ കരുതുന്നതും അഹങ്കരിക്കുന്നതും കൂടി അവൻ്റെ രോഗം.