വാറോല എന്ന മുൻവിധി

വാറോല എന്ന മുൻവിധി നിറഞ്ഞ 

ആരോപണം തന്നെയാണ്

മുഹമ്മദ് പറയുന്നതിനെ കുറിച്ച്  

അബൂജഹലും ഉത്ത്ബത്തും ശൈബത്തും 

പറഞ്ഞത്.

അസാത്തീറുൽ അവ്വലീൻ. 

(പൂർവ്വികരുടെ വാറോലകൾ.)

അള്ഗാസു അഹ്ലാമിൻ, ബൽ ഇഫ്താറാഹു. 

(സ്വപ്നങ്ങളും ജല്പനങ്ങളും. അവനത് കെട്ടിച്ചമച്ചു).

എല്ലാ കാലത്തും, 

ഭൂരിപക്ഷം യാഥാസ്ഥിതികർ 

രക്ഷപ്പെടാൻ ഉപയോഗിക്കുന്ന രീതി.

പുതിയതും 

വ്യത്യസ്തമായതും 

തങ്ങളുടേതല്ലാത്തതും  

കേൾക്കാതിരിക്കാനുള്ള 

മുൻവിധികൾ. 

വാതിൽ കൊട്ടിയടച്ചുറങ്ങാൻ 

ഉണ്ടാക്കുന്ന മുൻവിധികൾ. 

അസാത്തീറുൽ അവ്വലീൻ. 

(പൂർവ്വികരുടെ വാറോലകൾ.)

അള്ഗാസു അഹ്ലാമിൻ, 

ബൽ ഇഫ്താറാഹു. 

(സ്വപ്നങ്ങളും ജല്പനങ്ങളും. അവനത് കെട്ടിച്ചമച്ചു).

മനസ്സിലാകാത്തതും 

മനസ്സിലാക്കാൻ തയ്യാറില്ലാത്തതും 

വാറോലകൾ തന്നെ. 

കെട്ടിച്ചമച്ചത് തന്നെ 

വാറോലകൾ, കെട്ടിച്ചമച്ചത് 

എന്ന മുൻവിധികൾ 

എളുപ്പം തരും.

അന്വേഷിക്കാതിരിക്കാനും 

പഴയ തലയണ വെച്ചുറങ്ങാനുമുള്ള 

നല്ല എളുപ്പമന്ത്രം തന്നെ മുൻവിധികൾ.

പഴയകാല അബൂജഹലുകളും 

പുതിയകാല അബൂജഹലുകളും 

ഉപയോഗിക്കുന്ന പദപ്രയോഗങ്ങൾ 

ഒന്ന് തന്നെയെന്നത് 

ഏറെ അൽഭുതപ്പെടുത്തുന്നു.