കാണുന്ന മണവാട്ടിയല്ല അനുഭവത്തിലെ മണവാട്ടി.

കിട്ടിയത് മുഴുവനും ഉപയോഗിക്കാമെന്നും ഉപയോഗിച്ചത് മുഴുവനും കിട്ടുമെന്നും വിചാരിക്കരുത്.

മരം നല്ലത് തന്നെ. 

എന്നുവെച്ച് ആ മരത്തെ അപ്പടി നിനക്കുള്ള ഫർണിച്ചറും വീട്ടുപകരണങ്ങളും ആക്കാൻ സാധിക്കില്ല. 

ഫർണിച്ചറും വീട്ടുപകരണങ്ങളും ആക്കുന്ന വഴിയിൽ ഒഴിവാക്കേണ്ടത് ഒഴിവാക്കും. നഷ്ടപ്പെടുത്തേണ്ടത് നഷ്ടപ്പെടും. 

വാങ്ങുന്ന നാരങ്ങയല്ല തിന്നുന്ന നാരങ്ങ. തൊലി കളയും, കുരു കളയും.

തിന്നുന്ന നാരങ്ങ മുഴുവൻ ശരീരം എടുക്കില്ല. 

ശരീരം ശരിക്കും ഉള്ളിലേക്കെടുത്ത നാരങ്ങ ഏതാണെന്ന് പോലും നീ അറിയില്ല. 

ആൻl നാരങ്ങ ചുരുങ്ങിയത് നീ പൈസ കൊടുത്ത് വാങ്ങിയ, വാങ്ങുമ്പോൾ നീ കണ്ട നാരങ്ങയല്ല.

കാണുന്ന മണവാട്ടിയല്ല അനുഭവത്തിലെ മണവാട്ടി. 

കാഴ്ചയിലെ മണവാട്ടിയുടെ വസ്ത്രങ്ങൾ മുഴുവൻ മണവാളൻ്റെ അനുഭവത്തിൽ അഴിഞ്ഞു വീഴാനുള്ളത് മാത്രം. 

കാണുന്ന മണവാട്ടി നാട്ടുകാർക്കുള്ള ഉപചാരം മാത്രമായ  മണവാട്ടി. 

ഉപചാരത്തിൻ്റെ നാട്യങ്ങളുടെ മണവാട്ടി. 

കുളിക്കുന്നതും മൂത്രമൊഴിക്കുന്നതും ആർത്തവതിയാവുന്നതും ബാധകമല്ലാത്ത മണവാട്ടി.