ബഹുമാനിക്കുന്നവൻ ഉടമയാണ്, യജമാനനാണ്.

നിങ്ങളെ ബഹുമാനിക്കുന്നവൻ നിങ്ങളുടെ  ഉടമയാണ്, യജമാനനാണ്.

ബഹുമാനിക്കപ്പെടുന്ന നിങൾ ഫലത്തിൽ നിങ്ങളെ ബഹുമാനിക്കുന്നവൻ്റെ അടിമയാണ്, വേലക്കാരനാണ്. ബഹുമാനവും ശമ്പളവും പ്രതിഫലമായി വാങ്ങുന്ന വേലക്കാരൻ.

ബഹുമാനിക്കപ്പെടുന്ന നിങൾ ഫലത്തിൽ സ്വാതന്ത്ര്യവും സ്വാഭാവികതയും നഷ്ടപ്പെടുന്നവൻ, നഷ്ടപ്പെടുത്തുന്നവൻ. 

***** 

നിങ്ങൾക്ക് കിട്ടുന്ന എല്ലാ ബഹുമാനങ്ങൾക്കും സ്ഥാനാമാനങ്ങൾക്കും ഒരേയൊരു നിബന്ധനയുണ്ട്. 

നിങ്ങൾക്ക് ബഹുമാനവും സ്ഥാനവും തരുന്നവൻ്റെ നിർവ്വചനത്തിലും പ്രതീക്ഷയിലും ബഹുമാനിക്കപ്പെടുന്ന, സ്ഥാനമാനങ്ങൾ കിട്ടുന്ന നിങൾ വരിക എന്നത്.

*****

ബഹുമാനവും സ്ഥാനമാനവും അധികാരവും വേണ്ട നിങൾ...,

ബഹുമാനത്തേയും സ്ഥാനമാനത്തെയും അധികാരത്തെയും ജീവവായുവും ഉപജീവനമാർഗവുമാക്കുന്ന നിങൾ...., 

ബഹുമാനത്തേയും സ്ഥാനത്തെയും അധികാരത്തെയും വെച്ച്  'ഞാൻ ഇതാണ്, ഞാൻ അതാണ്' എന്ന് തിരിച്ചറിയുന്ന, തിരിച്ചറിയാനുള്ള കണ്ണാടിയാക്കുന്ന, അങ്ങനെ മാത്രം സ്വസ്ഥത പൂകുന്ന നിങൾ...., 

നിങ്ങളെ ബഹുമാനിക്കുന്ന ആ അവൻ്റെ പ്രതീക്ഷക്കും നിർവ്വചനത്തിനും നിർബന്ധത്തിനും നിബന്ധനകൾക്കും നിന്നുകൊടുക്കണം.

ബഹുമാനിക്കുന്ന ആ അവൻ്റെ പ്രതീക്ഷക്കും നിർവ്വചനത്തിനും നിർബന്ധത്തിനും നിബന്ധനകൾക്കും വേണ്ടി നിങൾ എപ്പോഴും പേടിച്ച്, മസിൽപിടിച്ച്, കൃത്രിമനായി അഭിനയിക്കണം, കപടനാവണം.

ബഹുമാനിക്കുന്നവൻ തരുന്ന ബഹുമാനവും സ്ഥാനമാനങ്ങളും നിലനിർത്താൻ പലതും ആണെന്നും അല്ലെന്നും വരുത്തണം, വരുത്തിത്തീർക്കണം. 

നിങ്ങളുടെ മസിൽപിടുത്തവും പേടിയും അഭിനയവും കാപട്യവും ആണ് അവരുടെ മുൻപിലെ നിങ്ങളുടെ വലുപ്പം, മഹത്വം.

*****

പക്ഷേ, അറിയാനില്ലാത്ത, അറിയപ്പെടാനില്ലാത്ത ദൈവത്തിനും, പിന്നെ ആ വഴിപോക്കനും അപരിചിതനും ഇത് ബാധകമല്ല.