മതി എന്ന് തോന്നിവയൻ സമ്പന്നൻ.

മതി എന്ന് തോന്നിയൻ 

സമ്പന്നൻ. 

ആ ഒരൊറ്റ നിർവ്വചനം 

മാത്രമേയുള്ളൂ... 

ആ ഒരൊറ്റ നിർവ്വചനം 

മാത്രമേ പറയാനുള്ളൂ

മതി എന്നതല്ലാത്ത

ഒരുളവുകോലില്ല

സമ്പന്നതയെ നിശ്ചയിക്കാൻ, 

അളക്കാൻ.

ഇത് തന്നെയാണ് 

ഈയുള്ളവൻ നടപ്പാക്കുന്നത്, 

പറയുന്നത്, 

പറഞ്ഞുകൊണ്ടിരിക്കുന്നത്.

സ്വസ്ഥമായിരുന്ന് കൊണ്ട്.

താൽകാലികമായെങ്കിലും. 

സമൂഹം 

ഭൗതികവും സാമ്പത്തികവുമായ  

അളവുകോലുകൾ വെച്ച്  

വിഡ്ഡിയെന്ന് വിളിച്ചാലും

ഇല്ലെങ്കിലും.  

സന്തിഷിക്കുന്നവൻ 

വിജയിച്ചവൻ.

സന്തോഷം എന്നതല്ലാത്ത

ഒരുളവുകോലില്ല

വിജയത്തെ നിശ്ചയിക്കാൻ, 

അളക്കാൻ.

അത് കൂടി 

ഇതുമായി ബന്ധപ്പെട്ട്

അതേ സ്വരത്തിൽ

വേറൊരു കോലത്തിൽ 

പറയാനുള്ളത്.....

തെരുവ് തേണ്ടിയാണോ 

ഭരണാധികാരിയാണോ

പൈസക്കാരനാണോ

എന്നതൊക്കെ വിടൂ.

ഇവരിൽ ആർക്കാണോ

മതിയായത്

ഇവരിൽ ആരാണോ

സന്തുഷ്ടൻ

അവനാണ്

വിജയിച്ചവൻ

അവനാണ്

സമ്പന്നൻ. 

*****

മതി എന്ന് തോന്നിയവൻ 

നിർത്തും...

അവന് 

ഡൈനിങ് ടേബിളിൽ 

ബാക്കിയുള്ളത് വിഷയമല്ല.

അവൻ എഴുന്നേറ്റ് പോകും.

*****

വിദ്യയുടെ കാര്യത്തിലും മറ്റും 

പറഞ്ഞതാണോ?

അല്ല.

വിദ്യ അറിയാതെയും 

ആവശ്യപ്പെടാതേയും 

കടന്നുവരും.

വെറുതേ തുറന്നിട്ടാൽ തന്നെ 

തുറന്ന് കിടന്നാൽ തന്നെ

വിദ്യ കടന്നുവരും.

*****

പറഞ്ഞത്

സമ്പത്തിൻ്റെയും 

അധികാരത്തിൻ്റെയും 

കാര്യത്തിൽ.

മതിയെന്ന് തോന്നി 

സന്തുഷ്ടനാവുന്ന 

അവസ്ഥയുണ്ടെങ്കിൽ 

അത് പ്രധാനം.

നിസ്സഹായത കൊണ്ടും 

പേടി കൊണ്ടും 

മതി എന്ന് പറയുന്ന 

കാര്യമല്ല, അവസ്ഥയല്ല.