ഹിന്ദുവെന്നാൽ വിശ്വാസിയെന്നും അവിശ്വാസിയെന്നും അർത്ഥമില്ല.

ഒരു സെമിറ്റിക് മതപ്രവാചകനെയും വിശ്വാസിയേയും പോലെയായോ സുരേഷ് ഗോപിയും? 

സുരേഷ് ഗോപി ഹിന്ദു സംസ്കാരത്തെയും (ഹിന്ദു ഒരു മതമല്ല) സെമറ്റിക് മതങ്ങളുടെ ആലയിൽ കൊണ്ടുവന്ന് കെട്ടുകയാണോ?

സുരേഷ് ഗോപിയും വിശ്വാസത്തിൻ്റെ ഏകശിലാരൂപവും അവസാന വാക്കും വാദവും പറഞ്ഞു തുടങ്ങുകയാണോ?

ആ നിലക്ക് ഏത് ദൈവമാണ്, ഏത് സത്യമാണ് സുരേഷ് ഗോപിയോട് ഞാൻ ഇങ്ങനെത്തന്നെയാണ്, ഞാൻ ഇങ്ങനെ മാത്രമാണ് എന്ന് പറഞ്ഞത്?

സെമിറ്റിക് മത പ്രവാചകന്മാർ അവകാശപ്പെടും പോലെ ദൈവം സുരേഷ് ഗോപിയുടെ മുൻപിലും പ്രത്യക്ഷപ്പെട്ടു സംസാരിക്കാനും സത്യം വിളംബരം ചെയ്യാനും യുദ്ധം നടത്താനും പറയാൻ തുടങ്ങിയോ? 

"അവിശ്വാസികളോട് സ്നേഹമില്ല, സ്നേഹമരുത്?" എന്ന അവസാനവാദവും ഏകസത്യാ വാദവും ഉയർത്തുന്ന മതമായ ഇസ്ലാമിൻ്റെയും  മറ്റ് സെമിറ്റിക് മതങ്ങളുടെയും ഖുർആൻ്റെയും ഭാഷ്യം തന്നെ സുരേഷ് ഗോപിയും കൊണ്ടുനടക്കുകയാണോ? 

അല്ലാഹുവിന് വേണ്ടി വെറുക്കുക, അല്ലാഹുവിന് വേണ്ടി സ്നേഹിക്കുക എന്ന സെമിറ്റിക് ഇസ്ലാമിക ഭാഷ്യത്തിന് തത്തുല്യമായ ഒരു വാദം എങ്ങിനെ സുരേഷ് ഗോപിയുടെ നാവിൻതുമ്പിലും വന്നു? 

ആശ്ചര്യം തോന്നുന്നു.

തെറിവിളിച്ചവനെ തിരിച്ചു തെറിവിളിച്ച് സുരേഷ് ഗോപിയും ഫലത്തിൽ തെറിവിളിക്കുന്നവൻ തന്നെ ആവുകയാണോ?

പ്രതിരോധിക്കുന്ന വഴിയിൽ അക്രമിയെക്കാൾ വലിയ അക്രമിയാവുകയാണോ സുരേഷ് ഗോപിയും അദ്ദേഹം ഉയർത്തിപ്പിടിക്കാൻ ഉദ്ദേശിക്കുന്ന ഹൈന്ദവ സംസ്കാരവും അതിലെ വിശ്വാസ വൈവിധ്യവും വിശാലതയും?

വെള്ളത്തെ സംരക്ഷിക്കാൻ എന്ന വിചാരത്തിൽ വെള്ളത്തിന് ചുറ്റും തീയിട്ട് ഫലത്തിൽ ഇവിടെയുള്ള തെളിച്ചത്തിൻ്റെയും ദാഹശമനത്തിൻ്റെയും സഹിഷ്ണുതയുടെയും എല്ലാം ഒരുപോലെയായിക്കണ്ട് ഉൾകൊള്ളുന്ന വിശാലതയുടെയും വെള്ളം വറ്റിക്കുകയാണോ സുരേഷ് ഗോപി?

"അല്ലാഹുവിലും പരലോകത്തിലും വിശ്വസിക്കുന്ന ഒരു (വിശ്വാസി) സമൂഹത്തെ നിനക്ക് കാണാൻ സാധിക്കില്ല, അവർ അല്ലാഹുവിലും പ്രവാചകനിലും വിശ്വസിക്കാത്തവരെ ഇഷ്ടപ്പെടുന്നവരായി. അത് സ്വന്തം പിതാവും സഹോദരനും കുടുംബബന്ധുവും ആയാലും ശരി....(ഖുർആൻ).

ഇത് തന്നെയല്ലേ സുരേഷ് ഗോപി വേറെകോലത്തിൽ  പറഞ്ഞതും? 

ഇങ്ങനെ സുരേഷ് ഗോപി പറഞാൽ ഒരായിരം വ്യത്യസ്ത വിശ്വാസങ്ങളുള്ള ഹിന്ദുവിൻ്റെ ഏത് വിശ്വാസമാണ് സുരേഷ് ഗോപി വിശ്വാസം എന്ന് പറയുക?

ഒരായിരം വ്യത്യസ്ത വിശ്വാസങ്ങളുള്ള ഹിന്ദുവിൻ്റെ ഏത് വിശ്വാസമാണ് സുരേഷ് ഗോപി അവിശ്വാസം എന്ന് പറയുക?

വിശ്വാസവും അവിശ്വാസവും  സുരേഷ് ഗോപിയും അതുപോലുള്ളവരും എങ്ങിനെ നിശ്ചയിക്കും?

പ്രത്യേകിച്ചും എല്ലാ വിശ്വാസത്തിലും മറ്റുളളതെല്ലാം അവിശ്വസിക്കുന്ന അവിശ്വാസവുമുള്ള സ്ഥിതിക്ക് ഏതാണ് വിശ്വാസം, ഏതാണ് അവിശ്വാസം?

പ്രത്യേകിച്ചും എല്ലാ അവിശ്വാസത്തിലും മറ്റുളളതെല്ലാം അവിശ്വസിച്ച് സ്വന്തമായത് മാത്രം വിശ്വസിക്കുന്ന വിശ്വാസം ഉള്ള സ്ഥിതിക്ക് ഏതാണ് വിശ്വാസം, ഏതാണ് അവിശ്വാസം?

ഒരുതരം വിശ്വാസിക്ക് മറ്റുളള എല്ലാ വിശ്വാസങ്ങളും അവിശ്വാസം തന്നെയല്ലേ?

ഒരുതരം അവിശ്വാസിക്ക് തൻ്റെതല്ലാത്ത മറ്റുളള എല്ലാ അവിശ്വാസങ്ങളും വിശ്വാസം തന്നെയല്ലേ?

ഇത് മാത്രം വിശ്വാസം ഇതല്ലാത്തതെല്ലാം അവിശ്വാസം എന്ന് ഓരോരുത്തർക്കും തോന്നിയാൽ എല്ലാവരും എല്ലാവരെയും കൊല്ലുന്ന, നശിപ്പിക്കുന്ന അവസ്ഥ സംജാതമാകുമെന്ന് സുരേഷ് ഗോപിയും മറ്റ് അന്ധരായ തീവ്രവിശ്വാസികളെ പോലെ അറിയാതെ പോകുന്നുവോ?

ഹിന്ദു എന്നാൽ പ്രത്യേകതരം വിശ്വാസിയെന്നും പ്രത്യേകതരം അവിശ്വാസിയെന്നും എവിടെയും അർത്ഥമില്ലല്ലോ? 

പിന്നെങ്ങിനെ സുരേഷ് ഗോപിക്ക് മാത്രം ഇതിങ്ങനെ പറയാൻ സാധിക്കുന്നു?

ഹിന്ദുവിന്, അവൻ ഹിന്ദു ആവാൻ വിശ്വാസവും അവിശ്വാസവും ഏതെന്ന് എങ്ങിനെയെന്ന് കൃത്യമായി എവിടെയും നിശ്ചയിക്കപ്പെട്ടിട്ടില്ല എന്ന് സുരേഷ് ഗോപിക്ക് അറിയില്ലെന്നുണ്ടോ?

പിന്നെങ്ങിനെ സുരേഷ് ഗോപിക്ക് മാത്രം ഇതിങ്ങനെ പറയാൻ സാധിക്കുന്നു?

ഹിന്ദു എന്നത് ഇങ്ങിനെ തന്നെ വിശ്വസിക്കണം, ഇങ്ങിനെ തന്നെ അവിശ്വസിക്കണം എന്ന കൃത്യമായ നിർദേശവും അവസാനവാക്കും ഉള്ള ഒരു മതത്തിൻ്റെ പേരല്ലല്ലോ?

ഹിന്ദുവെന്നാൽ എവിടെയും ഒരു  പ്രത്യേക മതമായും വിശ്വാസമായും ഒരു മതത്തിൻ്റെയും വിശ്വാസത്തിൻ്റെയും പേരായും സംഹിതയായും ഒരു പുരാണത്തിലെ വേദഗ്രന്ഥത്തിലും ഉപനിഷത്തിലും ഇല്ല എന്നും ഈ സുരേഷ് ഗോപിക്ക് അറിയില്ലെന്നുണ്ടോ??

വിശ്വാസത്തിൻ്റെയോ അവിശ്വാസത്തിൻെറയോ പേരിൽ നശിപ്പിക്കുകയും കൊല്ലുകയുമാണെങ്കിൽ ഏത് വിശ്വാസം ശരി എന്നും, ഏത് അവിശ്വാസം തെറ്റ് എന്നും ആര് നിർവ്വചിക്കും നിശ്ചയിക്കും, നിലപാടെടുക്കും?