2014 ന് ശേഷം: എല്ലാം മൂപ്പർ മൂപ്പരുടെ പോക്കറ്റിൽ നിന്ന് പൈസ എടുത്ത് ചെയ്തതാണ്.

2014 ന് ശേഷം:

നാശത്തിന് വളർച്ച എന്നർത്ഥം. 

തകർച്ചക്ക് വികസനം എന്നർത്ഥം. 

കളവിന് സത്യമെന്നും അർത്ഥം.

അതുകൊണ്ട് തന്നെ:

2014 ന് ശേഷം മാത്രമേ ഇന്ത്യയിൽ നിർമ്മാണ വികസന പ്രവർത്തനങ്ങൾ നടന്നിട്ടുള്ളൂ.

2014 ഓടെ നടന്ന ഫാസിസ്റ്റ് അധിനിവേശമാണ് സ്വാതന്ത്ര്യം.

2014 ന് ശേഷം മാത്രം നടന്ന നിർമ്മാണ വികസന പ്രവർത്തനങ്ങൾ മുഴുവൻ മൂപ്പർ മൂപ്പരുടെ പോക്കറ്റിൽ നിന്ന് സ്വന്തം പൈസ എടുത്ത് ചിലവഴിച്ചു ചെയ്തതാണ്.

2014 മുതൽ ഏറ്റവും വിലകുറഞ്ഞ പെട്രോളിന് വരെ ഇരുന്നൂറും മുന്നൂറും ശതമാനം തിരുവ കൂട്ടിയതാണ് വിലകുറക്കൽ എന്നതിന്റെ അർത്ഥം.

നിങ്ങൾ ശ്വസിക്കുന്ന വായുവും കുടിക്കുന്ന വെള്ളവും വിസർജിക്കുന്ന മലവും മൂത്രവും കാറ്റടിക്കുന്നതും മഴപെയ്യുന്നതും സൂര്യൻ ഉദിക്കുന്നതും അസ്തമിക്കുന്നതും ഒക്കെ മൂപ്പർ ഉള്ളത് കൊണ്ട് മാത്രമാണ്.

മറ്റുള്ള ഓരോ രാജ്യത്തിലും എന്തെങ്കിലും കാര്യങ്ങൾ ദിവസവും നടക്കുന്നുണ്ടോ?

2014 ന് ശേഷം മറ്റൊരു രാജ്യത്തും ഒന്നും നടക്കുന്നില്ല. 

മറ്റേത് രാജ്യത്തുമുള്ള പൗരന്മാർക്ക് ഒന്നും കിട്ടുന്നില്ല. 

യൂറോപ്പും അമേരിക്കയും ചൈനയും ഒക്കെ മുഴുപ്പട്ടിണിയിലാണ്.

പക്ഷേ ഇവിടെ അതൊക്കെ മൂപ്പർ ഉള്ളത്  കൊണ്ട് മാത്രമാണ് നടക്കുന്നത്. 

മൂപ്പർക്ക് മുൻപ് ഇവിടെ ഒന്നും നടന്നിട്ടില്ല. 

മൂപ്പരുടെ വിദ്യാഭ്യാസവും സർട്ടിഫിക്കറ്റും പോലും 2014ൽ മൂപ്പർ അധികാരത്തിൽ വന്നതിന് ശേഷമാണ്, മൂപ്പർ ഉള്ളത് കൊണ്ട് മാത്രമാണ് നടന്നത്.

മൂപ്പർ പഠിച്ച ബിരുദവും യൂണിവേഴ്സിറ്റിയും ചയപ്പണിയെടുത്ത റെയിൽവേ സ്റ്റേഷനും ഒക്കെ 2014ൽ മൂപ്പർ നമ്മുടെ രക്ഷകനായി അധികാരത്തിൽ വന്നതിന് ശേഷം മാത്രം ഉണ്ടായതാണ്.

അതുകൊണ്ട് തന്നെ അതൊക്കെയും എണ്ണിപ്പറഞ്ഞ് പാവം മൂപ്പരുടെ പേരിലിടണം, മഹത്വപ്പെടുത്തണം.

അതൊന്നും ഒരു ഭരണാധികാരിയും ഒരു നാട്ടിലും സ്വന്തം പോക്കറ്റിൽ നിന്നും എടുത്ത്ചെയ്യുന്നതല്ലങ്കിലും ഇവിടെ അത് അങ്ങനെയാണ്. 

മൂപ്പരുടെ പോക്കറ്റിൽ നിന്നാണ്. 

മൂപ്പാർക്കുള്ള ചിലവും ശമ്പളവും അദാനിക്കും അംബാനിക്കും കൊടുക്കുന്നതും എല്ലാം മൂപ്പരുടെ പോക്കറ്റിൽ നിന്നാണ്.

മൂപ്പർ സ്വന്തം പോക്കറ്റിൽ നിന്നെടുത്ത് ചെയ്യുന്നത് തന്നെയാണ് എല്ലാം.

ജനങ്ങളുടെ പൈസ കൊണ്ട് ജനങ്ങൾ ചെയ്യുന്നതല്ല ഒന്നും. 

ജനങ്ങളുടെ പൈസയൊക്കെ മൂപ്പരുടെ പൈസയാണ്.

എല്ലാം പരമാത്മാവ് തന്നെയായ മൂപ്പർ മാത്രം ചെയ്യുന്നതാണ്, നൽകുന്നതാണ്.

പരമാത്മാവ് നേരിട്ട് ഭരിക്കുന്ന നാട്ടിലാണ് നിങ്ങൾ. 

പരമാത്മാവ് നേരിട്ട് ഭരിക്കുന്നതുകൊണ്ട് മാത്രം സാധ്യമായ സുഭിക്ഷതയിലും ആർഭാടത്തിലുമാണ് നിങ്ങൾ.

അതുകൊണ്ടാണ് 2014നു മുൻപ് ഇന്ത്യയിൽ റോഡുകളും പാലങ്ങളും റെയിൽവേയുംവിമാനത്താവളങ്ങളും യൂണുവേഴ്സിറ്റികളും മെഡിക്കൽ കോളേജുകളും ആശുപത്രികളുംകോളേജുകളും സ്കൂളുകളും ആശുപത്രികളും ഐഐമ്മുകളും ഐഐടികളും എൻഐടികളുംisroയും ഉണ്ടായിരുന്നില്ല എന്ന് തന്നെയായത്.

ഇങ്ങനെ തുപ്പിയതും കാഷ്ടിച്ചതും ഒക്കെ എടുത്തുപറയാനാണെങ്കിൽ ആർക്കാണ് ഇതിലധികംപറയാൻ ഉണ്ടാവുക എന്നൊന്നും ചോദിക്കരുത്!!! 

എന്ന് നിങ്ങൾ ചോദിക്കാനിടയായാൽ അത് വലിയൊരബദ്ധം.

മദ്യപിച്ച് ലക്കുകെട്ട് വന്ന് ഭാര്യയെ തല്ലി, മക്കളെ പീഡിപ്പിച്ച്, തീർത്തും നിരുത്തരവാദിത്തപരമായി മാത്രം പെരുമാറി വിടുവായിത്തം പറയുന്നവനും ഇങ്ങനെ കുറെ പറയാനുണ്ടാവും എന്ന് നിങ്ങൾ പറയാനും ചോദിക്കാനുമിടയായാൽ അതും വലിയൊരബദ്ധം.