ആർക്കെവിടെ എപ്പോൾ ബോറടിക്കും?

ആർക്കെവിടെ എപ്പോൾ ബോറടിക്കും? 

അക്കരപ്പച്ച തൊന്നുന്നവന് ഇക്കരെ ബോറടിക്കും. 

സ്വന്തവുമായും ശൂന്യതയുമായും രമിക്കാത്തവനും ബോറടിക്കും.

*****

കളിക്കുള്ളിൽ കളിയാണ് കാര്യം. 

അവിടെ കളി കളിയാണെന്ന് പോലും മനസിലാവില്ല. 

കളി കളിയാണെന്ന് പോലും മനസിലാവാത്ത കളി. 

മാനസികരോഗിയുടെ പ്രത്യേകത അതാണ്. 

താൻ മാനസികരോഗിയാണെന്നും അവന് മനസിലാകില്ല. 

മായയിൽ പെട്ടവന് മായയിലാണെന്നും മനസ്സിലാവില്ല.

*****

"ഞാൻ" ഉണ്ടെന്ന് വരുത്തുന്ന, അഹങ്കാരത്തെ  വലുതാക്കുന്ന പറച്ചിലാവരുത്  'അഹം ബ്രഹ്മാസ്മി'. 

'ഞാൻ' ഇല്ലെന്നറിയുന്നതിൻ്റെ ചെറുപ്പമാവണം 'അഹം ബ്രഹമാസ്മി'. 

ഞാൻ വലുതായി പ്രപഞ്ചമാവുന്നതല്ല 'അഹം ബ്രാഹ്മാസ്മി'. 

ഞാൻ ഇല്ലാതായി പ്രപഞ്ചം മാത്രം എന്നാവുന്നതാവണം 'അഹം ബ്രാഹ്മാസ്മി'.