ബോധോദയം
ഏതോ കാലത്തുള്ള
ആരുടെയെങ്കിലും മാത്രം
സാധ്യതയല്ല.
അത് എല്ലാ കാലത്തുമുള്ള
എല്ലാവരുടേയും സാധ്യതയാണ്.
നിന്റെയും…..
*******
അന്ധരും ബധിരരും ഊമരും -
അവർ മടങ്ങുകയില്ല (ഖുര്‍ആന്‍).
എന്ന് വായിക്കുന്ന വിശ്വാസികള്‍,
99.9% വിശ്വാസികള്‍ക്കാകെയും
ഇത് ബാധകമായെന്നറിയണം.
*******
കാര്യകാരണങ്ങളുടെ ലോകത്തുനിന്ന്
കാരണമില്ലാത്ത കാര്യത്തെയും ലോകത്തെയും
നിഗമിക്കാനും മനസിലാക്കാനും ആവില്ല.
മാനങ്ങളുടെ തടവറ.
*******
എന്നെ ഞാനാക്കുന്നതൊന്നും
"ഞാന"ല്ല, "എന്റേത"ല്ല.
അവയില്ലാതായാൽ പിന്നെ
"ഞാനി"ല്ല, "എന്റേതി"ല്ല.
പിന്നെന്ത് "ഞാൻ", “എന്റേത്"?
*******
ഓരോ നിമിഷവും മരിക്കുന്നവന്‍,
പിന്നെ കൊന്ന് മാത്രം തിന്ന് ജീവിക്കാനാവുന്നവന്‍,
മരണത്തെ തന്നെയാണ്
ജീവിതമായി ആഘോഷിക്കുന്നത്.
അതറിയാതെ.
******
വെറുപ്പ് കൊണ്ടുനടക്കുന്നവർ,
അത് നടപ്പാക്കാന്‍ പറ്റിയ
എല്ലാ സാഹചര്യവും കൂട്ടും മുതലെടുക്കും.
അവര്‍ക്ക് പ്രധാനം അവരുടെ വെറുപ്പ് കുത്തുക.
*******
മാനത്തിനുള്ളില്‍ നിന്ന് കണ്ടാല്‍
'നാം' ഇല്ലാത്തതെന്ന് വിചാരിക്കാന്‍ സാധിക്കില്ല.
അതിനാല്‍ ഇനിയങ്ങോട്ടും
ഉണ്ടാവുമെന്ന് കരുതിപ്പോവും.
*******
ആത്യന്തികനായ ആത്മീയവാദിയും
ആത്യന്തികനായ ഭൗതികവാദിയും ഒരുപോലെ.
രണ്ടാള്‍ക്കും ഒന്ന് മാത്രം.
രണ്ടില്ലാത്ത, രണ്ടല്ലാത്ത ഒന്ന്.
********
അനുഭവിക്കാം,
പക്ഷെ അന്യന്‍ നല്‍കുന്ന
സുഖലോലുപതയുടെയും ആഢംബരത്തിന്റെയും
സൗജന്യത്തിന്റെയും പേരല്ല
ആത്മീയത, അന്വേഷണം.
*******
മാറ്റം മാത്രമാണ് ഏക മതം.
ഈ മതത്തെ എതിര്‍ക്കുന്നവ
ഇവിടെയുള്ള മതങ്ങൾ.
യാഥാര്‍ത്ഥ പ്രാപഞ്ചിക സത്യത്തെ ഉള്‍കൊള്ളാത്തവ,
ജൈവവികതയില്ലാത്തവ.
.jpg)
No comments:
Post a Comment