ഒരര്‍ത്ഥവും ഇല്ലാത്ത ജീവിതത്തിന്‌
അര്‍ത്ഥം കൊടുക്കാനുള്ള ശ്രമം
ജീവിതം.
എന്തിനെന്നില്ലാത്തതിനെ
എന്തിനോ എന്നാക്കുന്ന ശ്രമം
ജീവിതം.
********
എന്താണ്‌ തിരിച്ചറിവ്‌?
ഒന്നും അറിയില്ലെന്ന അറിവ്.
ഒരണുവിനെ പോലും അറിയില്ലെന്ന അറിവ്.
നിസ്സഹായതയും കഴിവ്കേടും
തൊട്ടറിയുന്ന അറിവ്.
*******
വീണ്ടും സ്വാതന്ത്ര്യം വേണം.
പാർട്ടികളുടെ ഈ ആധിപത്യത്തില്‍ നിന്ന്.
അല്ലേല്‍ ജനാധിപത്യം വെറും സ്വപ്നം.
ഇതുവരെയും സംഭവിക്കാത്തത്.
*******
തലച്ചോറിന്റെ വലുപ്പമാണോ
ആത്മാവിന്റെ വലുപ്പം?
തലച്ചോറില്ലെങ്കില്‍ ആത്മാവ് ഇല്ലെന്നാണോ?
********
പ്രത്യക്ഷനും പരോക്ഷനും ദൈവം.
അനാദ്യനും അനന്തനും ദൈവം.
എന്താണിതിന്നര്‍ത്ഥം?
ഈ ഞാന്‍ ഇല്ലെന്ന്,
ഈ എനിക്ക് തുടര്‍ച്ചയില്ലെന്ന്.
********
പൂച്ചക്കും നായക്കും കാക്കക്കും മീനിനും
ബാധകമല്ലത്ത ആത്മാവും മരണാനന്തരവും
തനിക്കുണ്ടെന്ന് വിചാരിക്കുന്നത്ര
വിഡ്ഢിയാണ് മനുഷ്യന്‍.
******
.jpg)
No comments:
Post a Comment