ഈ 'എനിക്ക്' സ്വാർത്ഥനേ ആവാനൊക്കൂ.

ഈ 'ഞാൻ' സ്വാർത്ഥനാണ്. 

ഈ 'എനിക്ക്' സ്വാർത്ഥനേ ആവാനൊക്കൂ. 

ഈ തലച്ചോറ് അങ്ങനെയേ പ്രവർത്തിക്കൂ. 

ബാക്കിയെല്ലാം ഈ 'എൻ്റെ' സ്വാർത്ഥതക്ക് വേണ്ടിയും സ്വാർത്ഥതയെ മറച്ചുവെക്കാനും മാത്രം. 

'എൻ്റെ' ഈ സ്വാർത്ഥതയിലൂടെ തന്നെ എൻ്റെ പേര്കേട്ട, വെറും അവകാശവാദമായ ധർമ്മവും പുണ്യവും നിസ്വാർത്ഥതയും സംഭവിക്കുന്നു.

*****

മരണം നിദ്രയല്ല, നിത്യനിദ്രയല്ല. 

നിദ്രയെന്നും നിത്യനിദ്രയെന്നും മരണത്തെ കുറിച്ച് പറയുമ്പോൾ ഒരു പ്രശ്നമുണ്ട്. 

ആ നിദ്രയിൽ മുഴുകിയവനും ആ നിദ്രയെ ആസ്വദിക്കുന്നവനും ആ നിദ്രയിൽ നിന്നും എപ്പോഴെങ്കിലും ഉണരാൻ സാധ്യതയുള്ളവനും ബാക്കിയുണ്ടെന്ന അർത്ഥം വരും. 

മരിക്കുന്നയാൾ പൂർണമായും ഇല്ലാതാവുന്ന പ്രക്രിയ മാത്രമാണ് മരണം.