പലവിധത്തിലും പല കോലത്തിലും പറയാൻ ശ്രമിക്കുന്നത്. (രാഷ്ട്രീയം ചിന്തിക്കാതെ പറയാൻ തോന്നിയത്)
ആവുമെങ്കിൽ ആവേണ്ടത് ഹിന്ദുവാണ്.
ഹിന്ദുവായാല്‍ സ്വാഭാവികമായും നിങ്ങൾ എല്ലാ മതവിശ്വാസത്തിനും ഉടമയായി.
കാരണം, ഹിന്ദു, ഹൈന്ദവം എന്നതിൽ എല്ലാ വിശ്വാസങ്ങളും ഉണ്ട്.
എല്ലാ വിശ്വാസ വൈവിധ്യങ്ങളെയും ഹിന്ദു, ഹൈന്ദവം എന്നതിനുള്ളില്‍ കുടിയിരുത്താന്‍ പറ്റും. എല്ലാ വിശ്വാസവ്യത്യാസങ്ങൾക്കുമുള്ള ഒരു കുട പോലെ.
നിലവില്‍ ഹിന്ദു എന്നതിന്‌ വിരുദ്ധമല്ല ഒരു വിശ്വാസവും.
ഹിന്ദുവിന്, അഥവാ ഹൈന്ദവതക്ക് അങ്ങനെ നിര്‍ബന്ധമായും മുറുകെപ്പിടിച്ച് നടക്കേണ്ട, നടപ്പാക്കേണ്ട ഒരു പ്രത്യേക വിശ്വാസമില്ല, അജണ്ട ഇല്ല.
അതിനുള്ളിലെ ഒന്നും ഒരു വിശ്വാസവും അത് മാത്രം ശരി, ബാക്കി എല്ലാം തെറ്റ് എന്ന് പറയുന്നതല്ല.
അങ്ങനെ അതിലെ ഏതെങ്കിലും വിശ്വാസം ഏകപക്ഷീയമായി, അത് മാത്രം ശരിയെന്ന് ഹിന്ദുവും ഹൈന്ദവതയും പറയുന്നില്ല. ആ നിലക്ക് മറ്റുള്ള വിശ്വാസങ്ങളെ നിഷേധിക്കുകയും നശിപ്പിക്കുകയും ഇല്ലായ്മ ചെയ്യുകയും ഹിന്ദുവും ഹൈന്ദവതയും വിശ്വാസപരമായി ചെയ്യുന്നില്ല.
സെമിറ്റിക് മതങ്ങൾക്ക്, അവയുടെ അടിസ്ഥാനത്തില്‍ തന്നെ, അങ്ങനെയൊരു പ്രശ്നമുണ്ട്.
മറ്റുള്ളവ തെറ്റായിക്കൊണ്ട് മാത്രം, മറ്റുള്ളവയെ തെറ്റാക്കിക്കൊണ്ട് മാത്രം, തങ്ങൾ ശരിയെന്ന് വരുന്ന, തങ്ങളെ ശരിയെന്ന് വരുത്തുന്ന ഒരവസ്ഥ. അത് മാത്രമാണ് ഹൈന്ദവതയില്‍ ഒഴിവാക്കപ്പെട്ടത്.
സെമിറ്റിക് മതങ്ങൾ ചെന്ന ഇടങ്ങളില്‍ അതിനാല്‍ തന്നെ, അറിഞ്ഞും അറിയാതെയും, അത് സംഭവിച്ചിട്ടുണ്ട്.
അവിടങ്ങളിലുള്ള സംസ്കൃതിയും വിശ്വാസങ്ങളും ആ നിലക്ക് (അത് ഏത് രീതിയില്‍ ആയാലും) ഇല്ലാതായിട്ടുണ്ട്, നശിപ്പിക്കപ്പെട്ടിട്ടുണ്ട്.
ഇന്ത്യ ഏതോ നിലക്ക്, ഹൈന്ദവതയുടെ ആഴവും പരപ്പും കൊണ്ട്‌ മാത്രം പിടിച്ചുനിന്നതാണ്.
*********
ഹിന്ദു ഒരു മതമായി നിര്‍ബന്ധിച്ചു നടപ്പാക്കപ്പെടുന്ന ഒന്നല്ല.
അങ്ങനെ ഒരു നിര്‍ബന്ധ ആചാരവും അനുഷ്ഠാനവും ആരാധനാരീതിയും പ്രാര്‍ത്ഥനയും ഒരേയൊരു ഗ്രന്ഥവും ഹിന്ദുവിന് ഹിന്ദു ആവാനും ഹിന്ദുവായി തുടരാനും വേണ്ട, ഇല്ല.
മനുസ്മൃതി പോലും, ആ നിലക്ക് ഹിന്ദുവിന് ഹിന്ദുവിന് ഹിന്ദു ആവാനും ഹിന്ദുവായി തുടരാനും നിര്‍ബന്ധമായും പിന്തുടരേണ്ട ഒരു ഗ്രന്ഥമല്ല.
ഒരു ഹിന്ദുവും അങ്ങനെ നിര്‍ബന്ധമായും ഹിന്ദു ആവാന്‍ വേണ്ടി മനുസ്മൃതി കൊണ്ടുനടക്കുന്നുമില്ല.
അവയെ ചരിത്രമായി അംഗീകരിക്കുക മാത്രമല്ലാതെ.
അംഗീകരിക്കപ്പെടേണ്ട വെറും ചരിത്രം മാത്രമായല്ലാതെ.
അതിനാല്‍ തന്നെ ആ ഓര്‍ക്കേണ്ട ചരിത്രം വെച്ച് വാർത്തമാനത്തെ, വളര്‍ന്ന് പരിണമിച്ചു വളര്‍ന്ന് (അങ്ങനെ മാറാനും പരിണമിക്കാനും തയാറായി) വന്ന ഹിന്ദു സംസ്കാരത്തെ വിമര്‍ശിക്കുന്നത് ശരിയല്ല.
ഹിന്ദുവിനെയും ഹൈന്ദവതയെയും സംബന്ധിച്ചേടത്തോളം ഗീത പോലും ആര്‍ക്കും നിര്‍ബന്ധമായ ഒരു മതഗ്രന്ഥമല്ല.
ഒരു ഹിന്ദുവും അങ്ങനെ നിര്‍ബന്ധമായും ഹിന്ദു ആവാന്‍ വേണ്ടി ഗീത കൊണ്ടുനടക്കുന്നുമില്ല.
ഗീത മതം ഉണ്ടാക്കിയ ഗ്രന്ഥമോ, മതത്തെ ഉണ്ടാക്കിയ ഗ്രന്ഥമോ അല്ല.
നിര്‍ബന്ധങ്ങൾ അടിച്ചേല്പിക്കുന്ന ഗ്രന്ഥവും അല്ല ഗീത.
ഹൈന്ദവം എന്നാല്‍ ദൈവത്തെയും സത്യത്തെയും ആര്‍ക്കും എങ്ങിനെയും പ്രാപിക്കാനാവുന്ന, വീക്ഷിക്കാനാവുന്ന സ്വാതന്ത്ര്യം തന്നെയായ സംസ്കാരം. വിശ്വാസകാര്യങ്ങളില്‍ തീർത്തും സ്വതന്ത്ര ആവിഷ്കാരം സാധിക്കുന്ന, നടപ്പാക്കുന്ന പ്ലാറ്റ്ഫോം.
അമ്പലത്തിലും ശബരിമലക്കും പോകുന്നത് പോലും ഹിന്ദു ആകുന്നതിന്റെ ഭാഗമല്ല.
ഹിന്ദു ആവാന്‍ അതൊന്നും നിര്‍ബന്ധവും അല്ല. പ്രാര്‍ത്ഥിക്കുകയും പ്രാര്‍ത്ഥിക്കാതിരിക്കുന്നതും വരെ.
അമ്പലത്തിലും ശബരിമലക്കും പോകുന്നവന്‍ നടത്തുന്ന ആചാരം ആരും നിര്‍ബന്ധിച്ചു, സ്വര്‍ഗ്ഗവും നരകവും വെച്ച്, ചെയ്യുന്നതല്ല. സ്വയമേവ ചെയ്യുന്നതാണ്. അതാത് വിഭാഗം എങ്ങിനെയോ മനസിലാക്കുന്നത് പോലെ. അതിൽ മതവും മതഗ്രന്ഥവും നരകഭീഷണിയും ഇല്ല. എല്ലാം വെറും ഐഛികവും പ്രാദേശികവും മാത്രം.
ഇതൊക്കെ ചെയ്യാനും ചെയ്യാതിരിക്കാനും നിഷേധിക്കാനും, എന്നിട്ടും ഹിന്ദു തന്നെ ആയി തുടരാനും, ഒരു പ്രയാസവും ഇല്ല. സ്വാതന്ത്ര്യം ഉണ്ട്.
ഏതെങ്കിലും ഒന്നോ രണ്ടോ പേര്‌ മോശമായി എവിടെയെങ്കിലും ഇതിനൊക്കെ എതിരും അനുകൂലവുമായി പ്രതികരിക്കുന്നത് വിശാല ഹൈന്ദവതയില്‍ വെച്ച് കെട്ടേണ്ടതില്ല. ലിഖിതമായ മതനിര്‍ദേശത്തിന്റെ മതഗ്രന്ഥത്തിന്റെയും അടിസ്ഥാനത്തിലaqല്ല.
അമ്പലത്തില്‍ പോകുന്നതും പോകാത്തതും ഹിന്ദു ആവുന്നതിന്റെ അളവുകോലല്ല, ഭാഗമല്ല.
സ്ത്രീത്വത്തെ മാനിക്കാത്തതും മറ്റും ഹൈന്ദവതയെ കേന്ദ്രീകരിച്ച് നടക്കുന്നതല്ല. എങ്ങിനെയൊക്കെയോ വളര്‍ന്നുവന്ന സാമൂഹ്യ സാഹചര്യം പോലെയും സംസ്കാരവും പോലെ മാത്രമാണത്. തീർത്തും പ്രാദേശികം മാത്രമായി
പൊതുവെ സ്ത്രീക്കെതിരെ എല്ലാ പുരുഷകേന്ദ്രീകൃത സമൂഹത്തിലും നടക്കുന്നതാണത്.
സ്ത്രീയെ ദൈവസങ്കല്‍പത്തിലും പകുതിയായി സങ്കല്പിച്ച സംസ്കാരമാണ് ഹൈന്ദവ സംസ്കാരവും അതില്‍ വളര്‍ന്നുവന്ന ദര്‍ശനവും വിശ്വാസവും..........
പോരാത്തതിന് എല്ലാത്തിനും മുകളില്‍ നില്‍ക്കുന്ന പാരാശക്തിയായും സ്ത്രീയെ സങ്കല്പിച്ച സംസ്കാരമാണ് ഹൈന്ദവ സംസ്കാരവും അതില്‍ വളര്‍ന്നുവന്ന ദര്‍ശനവും വിശ്വാസവും.
.jpg)
No comments:
Post a Comment