സത്യസന്ധമായ വിശ്വാസം ഒരടയിരിപ്പു പോലെ.

ഒന്നുറങ്ങുക. മാനങ്ങളും അവയുണ്ടാക്കുന്ന മാനദണ്ഡങ്ങളും മാറും, ഇല്ലാതാവും. 

ഒന്നുറങ്ങുക.

ശരിയും തെറ്റും മാറും, ഇല്ലാതാവും.

*****

സത്യസന്ധമായ വിശ്വാസം ഒരടയിരിപ്പു പോലെ. 

കുറച്ചു കാലമേ വേണ്ടി വരൂ. 

കുഞ്ഞു വിരിഞ്ഞിരിക്കും. 

മുട്ട മുട്ടയല്ലാതായിരിക്കും.

****

ജീവിതം പച്ചയായ ജീവിതം മാത്രം. 

തിന്നുക, കുടിക്കുക, വിസർജിക്കുക, ഉറങ്ങുക. 

അതിനപ്പുറം ഒരു ലക്ഷ്യവുമില്ല. 

വെറും തോന്നലുകളിൽ മാത്രമല്ലാതെ. 

അതിനപ്പുറം എന്തോ നേടാനും സൂക്ഷിക്കാനും ഉണ്ടെന്ന് കരുതി ഗൗരവപ്പെട്ട് മസിൽപിടിക്കുന്നവൻ ഗൗരവപ്പെടുന്നത്ര മസിൽപിടിക്കുന്നത്ര ജീവിതം നഷ്ടപ്പെടുന്നവൻ.