ദൈവത്തിനില്ലാത്ത അർത്ഥം ലക്ഷ്യവും ജീവിതത്തിനുമില്ല.

ദൈവം ദൈവമാവാൻ എന്തുദ്ദേശം, എന്തർത്ഥം? 

നേടാനും നഷ്ടപ്പെടാനുമില്ലാത്ത ദൈവത്തിന് എന്തുദ്ദേശമുണ്ടാവും? എന്തർത്ഥമുണ്ടാവും? 

ആരുടെ മുൻപിൽ എന്ത് തെളിയിക്കാനുണ്ടാവും ദൈവത്തിന്? 

ദൈവത്തിനില്ലാത്ത അർത്ഥവും ലക്ഷ്യവും ജീവിതത്തിനുമില്ല. 

ദൈവത്തിനുള്ള അർത്ഥവും ഉദ്ദേശവും ലക്ഷ്യവും മാത്രം ജീവിതത്തിനും. 

അർത്ഥവും ഉദ്ദേശവും ലക്ഷവും ഇല്ലെന്ന അർത്ഥവും ഉദ്ദേശവും ലക്ഷ്യവും.

ദൈവത്തിന് സ്വയമില്ലാത്ത അർത്ഥവും ഉദ്ദേശവും ലക്ഷ്യവും ജീവിതത്തിനും ഇല്ല, ഉണ്ടാവില്ല, ഉണ്ടാവേണ്ടതില്ല.

****

അർത്ഥം കണ്ടായാലും കാണാതെയായാലും, അവനവിൽ പൊരുത്തം നേടിയവന് മറ്റുള്ളവരിൽ കുറ്റമാരോപിക്കേണ്ടി വരില്ല. 

അത് മറ്റുള്ളവരിൽ തെറ്റ് കണ്ടിട്ടായാൽ പോലും. കുറ്റബോധം കൊണ്ടും അല്ലാതെയും സ്വയം സഘർഷപ്പെടുന്നവനാണ് മറ്റുള്ളവരുമായും സംഘർഷപ്പെടുക. 

അത് ദൈവം എന്ന് പറഞ്ഞു വന്നാലും.