'ഞാൻ ' ഇതാണ്, അതാണ് എന്ന് വരുത്താനുള്ള ശ്രമം ജീവിതം.
വ്യക്തിത്വം തേടുന്ന വഴിയിൽ ഉണ്ടാവുന്ന വ്യക്തിത്വം.
അർത്ഥം തേടുന്ന വഴിയിൽ ഉണ്ടാവുന്ന അർത്ഥം, അർത്ഥരാഹിത്യം.
ഐഡൻ്റിറ്റി അന്വേഷിക്കുന്ന വഴിയിൽ ഉണ്ടാവുന്ന ഐഡൻ്റിറ്റി.
ഞാൻ എന്താണെന്ന് അന്വേഷിക്കുന്ന വഴിയിൽ ഉണ്ടായി ഇല്ലാതാവുന്ന ഞാൻ.
ഞാൻ തന്നെ ഇല്ലെന്ന് വരുന്ന, വരുത്തുന്ന ജീവിതം.
******
കഴിഞ്ഞതും ദൂരെയുള്ളതും വരാനുള്ളതും അയാൾ.
മാറിമാറി വന്നത്, ആയിത്തീര്‍ന്നത് ഇയാൾ.
ഇയാളില്‍ നിന്ന് അയാളിലേക്കും അയാളില്‍ നിന്ന് ഇയാളിലേക്കും അങ്ങോട്ടും ഇങ്ങോട്ടും കാര്യമായ മാറ്റമുണ്ട്, ദൂരമുണ്ട്. എല്ലാവരുടെ കാര്യത്തിലും...
മാറ്റം മാത്രം സ്ഥായിയായത്.
ഇയാളും അയാളും ആരും സ്ഥായിയല്ല.
ജനിച്ചവന്‍ മരിക്കുന്നില്ല.
മരിച്ചവന്‍ ജനിച്ചിട്ടുമില്ല.
മരിക്കുന്നത് മാറി മാറി വന്ന മറ്റാരോ മാത്രം.
ഞാനും നീയും ഇയാളും അയാളും ഇല്ലാത്ത ജീവിതം മാത്രം ബാക്കിയാവുന്നു.
*****
.jpg)
No comments:
Post a Comment