ഒന്നുമില്ലായ്മ എന്നതും ഒരു പേര്, വിശേഷണം.

നിസ്സഹായതയും അജ്ഞതയും അറിയലും തോട്ടറിയലും മാത്രം ബോധോദയം.

നിസ്സഹായതയും അജ്ഞതയും വിളിച്ചു പറയൽ മാത്രം ബോധോദയം

*****

ഒന്നുമില്ലായ്മ എന്നതും ഒരു പേര്, വിശേഷണം. 

ഒന്നുമില്ലായ്മ എന്നതും നിസ്സഹായതയും അജ്ഞതയും പ്രകടിപ്പിക്കാൻ തന്നെ നീ നൽകുന്ന പേര്, വിശേഷണം. 

ഒന്നുമില്ലായ്മ എന്ന പേരിനും വിശേഷണത്തിനും പകരം ദൈവം എന്നും പേരും വിശേഷണവും ആവാം.

******

പേരും വിശേഷണവും എന്തായാലും, അത് രൂപപ്പെടുന്നത് നിസ്സഹായതയും അജ്ഞതയും തൊട്ടറിയുന്നിടത്ത്. 

നിസ്സഹായതയും അജ്ഞതയും മറച്ചുപിടിക്കുന്ന വസ്ത്രമാണ് ദൈവമെന്നും ഒന്നുമില്ലായ്മയെന്നും ഒക്കെ പറയുന്ന പേരും വിശേഷണവും.

*****

ദൈവമെന്നോ ഈശ്വരനെന്നോ അല്ലാഹുവെന്നോ പേരില്ലാതെ നിങ്ങൾക്ക് ദൈവത്തെ സങ്കല്പിക്കാൻ സാധിക്കുമോ? 

ഇല്ല. 

എങ്കിലറിയുക. 

നിങൾ  ബിംബാരാധകനാണ്. 

കാരണം ദൈവമെന്നും ഈശ്വരനെന്നും അല്ലാഹുവെന്നും ഉള്ള പേരും ബിംബമാണ്. 

നിങ്ങൾക്ക് ബിംബാരാധകനല്ലാതെയാവാൻ സാധിക്കില്ല. 

ബിംബമില്ലാതെ ദൈവത്തിൽ വിശ്വസിക്കാനും നിങ്ങൾക്ക് സാധിക്കില്ല.

*****

ഒന്നുമല്ല, ഒന്നുമില്ല എന്നതും നിൻ്റെ മാനവും വിതാനവും വെച്ചുള്ള മനസ്സിലാക്കൽ മാത്രം. 

ഒന്നുമല്ല, ഒന്നുമില്ല എന്നതും ഒരു പേര്, വിശേഷണം. 

ഒന്നുമല്ല, ഒന്നുമില്ല എന്നത് ദൈവമെന്നും ഈശ്വരനെന്നും പോലെ തന്നെയുള്ള പേര്, വിശേഷണം. 

നിസ്സഹായതയും അറിവുകേടും തന്നെ ഉണ്ടാക്കുന്ന പേര്, വിശേഷണം.