കസേരയുടെയും അധികാരത്തിൻ്റെയും വലുപ്പമാണോ എൻ്റെ വലുപ്പം?

യോഗയും ധ്യാനവും മറ്റും കൊണ്ട് മനസ്സിനെ നിയന്ത്രിക്കുന്നു എന്നതൊക്കെ വെറും പറച്ചിലും  അവകാശവാദവും മാത്രം. 

അങ്ങനെയൊരു യോഗയും ധ്യാനവും ഇല്ല തന്നെ. അക്കരപ്പച്ച മാത്രമല്ലാതെ. മരീജികാ ബോധം മാത്രമല്ലാതെ.

സാധാരണ എല്ലാവരും എങ്ങനെയൊക്കെ നിയന്ത്രിക്കുന്നുവോ, സാധാരണ എല്ലാവർക്കും എത്രയൊക്കെ നിയന്ത്രിക്കാൻ സാധിക്കുന്നുവോ, അത്രയൊക്കെ തന്നെ അവരും ഇവരും എല്ലാവരും സ്വാഭാവികമായും ആവശ്യാനുസാരവും നിയന്ത്രിക്കുന്നു.

*****

കസേരയുടെയും അധികാരത്തിൻ്റെയും വലുപ്പമാണോ എൻ്റെ വലുപ്പം???

എങ്കിൽ കസേരയും അധികാരവും ഇല്ലെങ്കിൽ ഞാൻ???

എൻ്റെ വലുപ്പമാണോ കസേരയുടെയും അധികാരത്തിൻ്റെയും വലുപ്പം???

എങ്കിൽ ഞാൻ ഇല്ലാത്ത കസേരയും അധികാരവും???